Pisalema 82 - Xitsonga (Bibele)

Xikwembu i muavanyisi wa vaavanyisi va misava.

Pisalema ya Asafa.

¹ Xikwembu xi tshamile ehubyeni ya Xikwembu, Xi avanyisa exikarhi ka swikwembu.

² “Mi ta avanyisa hi ku xisa ku ya fika kwihi? Mi yimela lavo biha ku yisa kwihi?

³ Avanyisani lontsongo hi ku lulama ni la nga riki na tatana, Mi lulamisa ta la nga ekhombyeni ni ta xisiwana.

⁴ Ponisani la xanisekaka ni la pfumalaka, Mi va kutsula emavokweni ya lavo biha.”

⁵ A va na ku tiva ni ku twisisa, va famba emunyameni; Masungulo hinkwawo ya misava ma tsekatseka.

⁶ A ndzi ku: “Mi swikwembu, Kutani hinkwenu mi vana va Muungameri la tlakukeke.”

⁷ Hambiswiritano mi ta fa tani hi vanhu, Mi wa tani hi tihosi tihi ni tihi.

⁸ Oho Xikwembu, pfuka u avanyisa misava, Hikuva tinxaka hinkwato ta vanhu i ta wena.