Pisalema 6 - Xitsonga (Bibele)

Ku rila eka xikwembu eku vavisekeni.

Eka mufambisi wa vasimi. Hi magubu. Hi xeminiti. Pisalema ya Davhida.

¹ Oho Yehovha! U nga ndzi holoveli hi vukari bya wena; U nga ndzi bi hi ku holova ka wena.

² U ndzi tsetselela, Yehovha, hikuva ndzi pfumala matimba; U ndzi horisa, Yehovha hikuva marhambu ya mina ma rhurhumela.

³ Moya wanga wu chava ngopfu; Kambe wena Yehovha, u ta hlwela ku yisa kwihi?

⁴ Tlhela, Yehovha! U tshunxa moya wa mina; U ndzi ponisa hikwalaho ka tintswalo ta wena.

⁵ Hikuva eku feni a ka ha anakanyiwi; I mani la nga ta ku dzunisa exivandleni xa vafi?

⁶ Ndzi karhele hi ku keta; Hi vusiku byin'wana ni byin'wana, ndzi tsakamisa xilawu xa mina hi ku rila; Byetlelo bya mina byi tsakama hi mihloti ya mina.

⁷ Mahlo ya mina ma hela hi nhlomulo; Ma ondza hikwalaho ka hinkwavo lava ndzi xanisaka.

⁸ Tshinelani ekule na mina, n'wina hinkwenu lava tirhaka swo biha; Hikuva Yehovha u yingisile rito ra swirilo swa mina.

⁹ Yehovha u yingisile ku kombela ka mina. Yehovha u amukele xikhongelo xa mina.

¹⁰ Hinkwavo valala va mina va ta khomiwa hi tingana, va rhurhumela; Va ta tlhela endzhaku, va khomiwa hi tingana.