Pisalema 16 - Xitsonga (Bibele)

Ku averiwa lokunene.

Risimu ra Davhida.

¹ Ndzi hlayise, Xikwembu, hikuva ndzi chavele ka wena.

² Ndzi te eka Yehovha: “Hi wena hosi yanga, A ndzi na rifuwo leri ku tlurisaka!”

³ Vahlawuriwa lava nga emisaveni, Vanhu va vukhongeri, hi valavo ndzi va rhandzaka ngopfu.

⁴ Ku andzisiwa swikwembu swo hemba, ku tsutsumeriwa eka swikwembu swimbe; Ndzi nga ka ndzi nga swi humeseri ku chela ka ngati; Kambe mavito ya swona ma nga ka ma nga humi emilon'wini ya mina.

⁵ Yehovha i ku averiwa ka mina ni ndzheko wa mina; Hi wena la ndzi tiyiselaka ndzhaka ya mina;

⁶ Ndzi pandzeriwe ndzilakana endhawini leyinene, Ni ndzhaka ya mina ematikweni lama tsakisaka.

⁷ Ndzi vonga Yehovha, hikuva hi yena muleteri wa mina; Swi tsandza nivusiku, mbilu ya mina yi ndzi dyondzisa.

⁸ Ndzi vekile Yehovha emahlweni ka mina hi masiku; Ndzi nga ka ndzi nga tsekatseki, hikuva u le tsheveni ra mina ra xinene.

⁹ Hikwalaho mbilu yanga yi tsakile; Moya wa mina wu tsakile ngopfu; Na yona nyama ya mina yi ta wisa hi ku tshemba.

¹⁰ Hikuva u nga ka u nga tshiki moya wanga exivandleni xa vafi; U nga ka u nga pfumeri leswaku muhlawuriwa wa wena a vona ku bola.

¹¹ U ta ndzi tivisa ndlela ya vutomi; Ku xurha ka ku tsaka ku kona emahlweni ka wena; Ni ku tsaka loku nga heriki evokweni ra wena ra xinene.