Pisalema 149 - Xitsonga (Bibele)

Risimu ra ku hlula.

¹ Dzunisani Yehovha! Yimbelelelani Yehovha risimu lerintshwa! A a vongiwe enhlengeletanweni ya lava n'wi rhandzaka!

² Israele a a tsakele muvumbi wa yena, Vana va Siyoni a va tsakele hosi ya vona!

³ A va dzunise vito ra yena hi ku cina, A va n'wi dzunise hi mpfumawulo wa tingoma ni wa tiharipa!

⁴ Hikuva Yehovha u tsakisiwa hi tiko ra yena, U twarisa lava nga emahlomulweni hi ku va ponisa.

⁵ Lava n'wi rhandzaka a va tsake eku kwetsimeni, A va be mikulungwana ya ku tsaka eswilawini swa vona.

⁶ Tinsimu ta Xikwembu a ti va emilon'wini ya vona, Ni matlhari lama karihaka matlhelo mambirhi eswandleni swa vona,

⁷ Ku rihisa vamatiko, ni ku tshinya vanhu,

⁸ Va boha tihosi ta wona hi timpecana, Ni tihosana ta wona hi khotso ra nsimbhi,

⁹ Va hetisa ka vona ku avanyisa loku tsariweke! Hi kona ku twala loku hlayiseriweke vahlawuriwa va yena hinkwavo. Dzunisani Yehovha!