Pisalema 137 - Xitsonga (Bibele)

Swirilo swa lava a nga ya ekhumbini.

¹ Etimbuweni ta milambu ya Babilona, A hi tshama hi rila loko hi tsundzuka Siyoni.

² A hi hayekile tiharipa ta hina Eminengenidzini ya kona.

³ Lava ngi va hi yisile evukhumbini a va kombela tinsimu eka hina, Vaxanisi va hina va kombeka tinsimu to tsaka, va ku: “Ma nga hi yimbelelela tinsimu ta Siyoni!”

⁴ Hi nga yimbelerisa ku yini tinsimu ta Yehovha Etikweni ra vamatiko xana?

⁵ Loko ndzi ku rivala, Yerusalema, Voko ra mina ra xinene a ri ndzi rivale!

⁶ Ririmi ra mina a ri namarhele emalakeni ya mina, Loko ndzi nga ku anakanyi, Yerusalema, Ndzi nga ku endli masungulo ya ku tsaka ka mina!

⁷ Yehovha, anakanya vana va Edomu, Hi laha va nga te hi siku ra khombo ra Yerusalema: “Hlanhlani, hlanhlani ku ya fika emasungulweni ya wona!”

⁸ Nhwanyana wa Babilona, la nga ta hundzuka rhumbi, Ku katekile la nga ta tlherisela eka wena leswi u hi endleleke swona!

⁹ Ku katekile munhu la nga ta khoma swihlangi swa wena, A swi pyanyela emaribyeni!