Pisalema 136 - Xitsonga (Bibele)Ku dzunisiwa tintswalo ta Xikwembu. 1 Dzunisani Yehovha, hikuva u lulamile, Hikuva tintswalo ta yena hi leti nga heriki! 2 Dzunisani Xikwembu xa swikwembu, Hikuva tintswalo ta xona hi leti nga heriki! 3 Dzunisani Hosi ya tihosi, Hikuva tintswalo ta yona hi leti nga heriki! 4 Hi yena la endleke swihlamariso leswikulu, a ri swakwe, Hikuva tintswalo ta yena hi leti nga heriki! 5 La endleke matilo hi vutlhari, Hikuva tintswalo ta yena hi leti nga heriki! 6 La andlaleke misava ehenhla ka mati, Hikuva tintswalo ta yena hi leti nga heriki! 7 La endleke mavoningo lamakulu, Hikuva tintswalo ta yena hi leti nga heriki! 8 Dyambu, ku fuma nhlekanhi Hikuva tintswalo ta yena hi leti nga heriki! 9 N'weti ni tinyeleti, ku fuma vusiku, Hikuva tintswalo ta yena hi leti nga heriki! 10 Hi yena la nga ba mativula ya Vaegipta, Hikuva tintswalo ta yena hi leti nga heriki! 11 Kutani a humesa Israele kona, Hikuva tintswalo ta yena hi leti nga heriki! 12 Hi xandla xa matimba ni voko leri tshambulutiweke, Hikuva tintswalo ta yena hi leti nga heriki! 13 Hi yena la avanyiseke Lwandle ro Tshwuka hi le xikarhi, Hikuva tintswalo ta yena hi leti nga heriki! 14 Kutani a perisa Israele exikarhi ka rona, Hikuva tintswalo ta yena hi leti nga heriki! 15 A susumetela Faro ni nyimpi ya yena eLwandle-ro-Tshwuka, Hikuva tintswalo ta yena hi leti nga heriki! 16 A tsemakanyisa tiko ra yena emananga, Hikuva tintswalo ta yena hi leti nga heriki! 17 A lovisa tihosi letikulu, Hikuva tintswalo ta yena hi leti nga heriki! 18 Kutani a dlaya tihosi leta matimba, Hikuva tintswalo ta yena hi leti nga heriki! 19 Sihoni, hosi ya Vaamori, Hikuva tintswalo ta yena hi leti nga heriki! 20 Na Ogo, hosi ya Baxani, Hikuva tintswalo ta yena hi leti nga heriki! 21 A nyiketa tiko ra vona Hikuva tintswalo ta yena leswaku yi va ndzhaka, Hikuva tintswalo ta yena hi leti nga heriki! 22 Ndzhaka ya Israele, nandza wa yena, Hikuva tintswalo ta yena hi leti nga heriki! 23 Kambe hi yena la hi tsundzukeke eku tsongahatiweni ka hina, Hikuva tintswalo ta yena hi leti nga heriki! 24 Kutani a hi lamulela eka valala va hina, Hikuva tintswalo ta yena hi leti nga heriki! 25 Wa ha ri yena la nyikaka swivumbiwa hinkwaswo swakudya swa swona, Hikuva tintswalo ta yena hi leti nga heriki! 26 Dzunisani Xikwembu xa matilo, Hikuva tintswalo ta yena hi leti nga heriki! |
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
Bible Society of South Africa