Pisalema 133 - Xitsonga (Bibele)

Ku dzunisiwa rirhandzu ra vuxaka.

Risimu ra ku tlhandluka. Ra Davhida.

¹ Langutani! A hi ku tsakisa ka swona, ni ku nandziha, Loko maxaka ma hanya swin'we, ma twanana.

² Swi fana ni mafurha ya risuna lama cheriwaka enhlokweni, Ma xiririka emalebvini ya Aroni, Ma xiririka ku yisa emakumu ka nguvu ya yena.

³ Ku fana ni mberha ya Hermoni, Leyi welaka etintshaveni ta Siyoni; Hikuva hi kona Yehovha a leriselaka mikateko. Ni vutomi, hi laha ku nga heriki.