Pisalema 13 - Xitsonga (Bibele)

Xikhongelo xa loyi a karheleke ngopfu.

Eka mufambisi wa vasimi. Pisalema ya Davhida.

¹ Oho Yehovha, u ta yisa kwihi ku ndzi rivala hi masiku xana? U ta ndzi fihlela mombo wa wena ku yisa kwihi-ke?

² Moya wa mina wu ta tivilerisa ku yini, Ni mbilu ya mina yi ta va ni nhlomulo hi masiku ku yisa kwihi? Nala wa mina u ta tshika rini ku ndzi pfukela?

³ Yehovha, Xikwembu xanga, languta, u ndzi hlamula! U hanyanyisa mahlo ya mina,

⁴ Leswaku ndzi nga tshuki ndzi etlela vurhongo bya rifu, Nala wa mina a nga tshuki a ku: “Ndzi n'wi hlurile!”

⁵ Ni lava ndzi xanisaka va nga tshuki va tsaka loko ndzi tsekatseka. Loko ndzi ri mina, ndzi tshembile tintswalo ta wena,

⁶ Mbilu yanga yi tsaka hi ku hlayiseka ka wena; Ndzi ta twarisa Yehovha, hikuva u ndzi endle swinene.