Pisalema 128 - Xitsonga (Bibele)

Yehovha u hlayisa lava n'wi chavaka.

Risimu ra ku tlhandluka.

¹ Ku katekile mani na mani la chavaka Yehovha, La fambaka etindleleni ta yena!

² Ina, u ta dya swakudya swa ntirho wa mavoko ya wena, U katekile, swilo swa wena swa andza.

³ Nsati wa wena u fana ni vhinya leyi velekaka ngopfu Endlwini ya wena; Vana va xinuna va wena va kotisa mitlhwari leyintshwa, Loko va rhendzela tafula ra wena.

⁴ Vonani mukhuva lowu ku nga ta katekisiwa Munhu la chavaka Yehovha!

⁵ Yehovha a a ku katekise hi ku kateka loku humaka eSiyoni. Hi leswaku u ta vona ku kateka ka Yerusalema, Hi masiku hinkwawo ya ku hanya ka wena.

⁶ U ta vona vana va vana va wena. Ku rhula a ku ve ehenhla ka Israele!