Pisalema 12 - Xitsonga (Bibele)

Ku kanganyisa ka munhu ni ku lulama ka Xikwembu.

Eka mufambisi wa vasimi. Hi haripa ya tingoti ta ntlhanu na tinharhu. Pisalema ya Davhida.

¹ Hi hlayise, Yehovha! Hikuva vanhu lavanene va hela, Lavo tshembeka va lova exikarhi ka vana va vanhu.

² Va hembelana ku yenga ku le milon'wini ya vona, Va vulavula, va ni timbilu timbirhi.

³ Yehovha u ta herisa milomu leyi yengaka, Ni ririmi leri tisaselaka hi leswikulu,

⁴ Va nga vona lava nge: “Hi ta hlula hi tindzimi ta hina, Milomu yi na hina; hi nga fuma hi mani?”

⁵ “Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”

⁶ Marito ya Yehovha i marito layo tenga; I ntsopfu lowu basisiweke entshengelweni, Lowu nyukisiweke kantlhanu na kambirhi.

⁷ Wena Yehovha u ta va hlayisa; U va sirhelela eka rixaka leri hi masiku.

⁸ Loko ku fuma vanhu lava fanelaka ku soriwa, Lavo homboloka va tifambela hinkwako.