Pisalema 114 - Xitsonga (Bibele)

Yehovha u fanele ku chaviwa.

¹ Kuteloko Israele a humile eEgipta, Yindlu ya Yakobo loko yi suke etikweni ra ririmi rin'wana,

² Yuda u hundzuke ku kwetsima ka Yehovha, Na Israele ku fuma ka yena.

³ Lwandle loko ri n'wi vona, ri baleka, Yena Yordani a tlhelela endzhaku;

⁴ Tintshava ti tlulatlula kukotisa tinyimpfu, Switsunga kukotisa swinyimpfana.

⁵ A wu ri na yini, wee lwandle leswi u nga baleka, Na wena Yordani, loko u tlhelela endzhaku?

⁶ N'wina tintshava mi tlulatlulela yini kukotisa tinyimpfu, Na n'wina switsunga mi kotisela yini swinyimpfana?

⁷ Wena, misava, rhurhumela emahlweni ka Hosi! Emahlweni ka Xikwembu xa Yakobo,

⁸ Lexi hundzuluxaka ribye ri va tiva ra mati, Ni tamba ma va mati lama pfelelaka!