Pisalema 110 - Xitsonga (Bibele)

Loyi a nga hosi ni muprista hi laha ku nga heriki.

Pisalema ya Davhida.

¹ Yehovha u te eka hosi ya mina: “Tshamisa evokweni ra mina ra xinene, Ndzi ko ndzi endla lava nga valala eka wena Vunavelo bya mikondzo ya wena.”

² Yehovha u ta tshambuluta hi le Siyoni nhonga ya matimba ya wena: “Tlhoma ku fuma ka wena exikarhi ka valala va wena!”

³ Tiko ra wena ri ta va lera mapfundzu siku u hlengeletaka nyimpi ya wena. Hi ku saseka loku hlawuriweke, lavantshwa va ta huma eka wena, Kukotisa mberha leyi humaka evuxeni.

⁴ Yehovha u hlambanyile a nga ka a nga hundzuki, U te: “U muprista hi laha ku nga heriki, Hi mukhuva wa Melkisedeke.”

⁵ Hosi leyi nga evokweni ra wena ra xinene, Yi hete tihosi hi siku ra vukari bya yona.

⁶ Yi ta rihisa exikarhi ka matiko: hinkwako ku ta tala mitsumbu. Yi ta faya tinhloko etikweni lerikulu ngopfu,

⁷ Loko yi ri karhi yi famba yi nwa exinambyaneni, Hikwalaho yi tlakuse nhloko ya yena.