Pisalema 101 - Xitsonga (Bibele)

Ku hlambanya ka n'wini wa risimu.

Pisalema ya Davhida.

¹ Ndzi ta yimbelela tintswalo ni ku lulama; Ndzi ta yimbelela wena, Yehovha!

² Ndzi ta famba endleleni leyo hlawuleka, U ta ta rini eka mina xana? Ndzi ta famba hi mbilu leyi lulameke endlwini ya mina.

³ Ndzi nga ka ndzi nga veki leswo biha emahlweni ka mina; Ndza venga mitirho ya vadyohi; Yi nga ka yi nga ndzi namarheli,

⁴ Mbilu leyo homboloka a yi ve ekule na mina! A ndzi swi rhandzi ku tivana ni lavo biha.

⁵ Ndzi ta herisa la lumbetaka nakulobye exihundleni; Ndzi nga ka ndzi nga yingiseri wa mahlo lama tlakukeke ni wa mbilu leyi tidzunisaka.

⁶ Mahlo ya mina ma languta vatshembeki va tiko, Va ta aka na mina. La fambaka endleleni ya ku tshembeka, u ta va nandza wa mina.

⁷ La xisaka a nga ka a nga tshami endlwini ya mina; La vulaka mavunwa a nga ka a nga yimi emahlweni ka mina.

⁸ Nimpundzu wun'wana ni wun'wana ndzi ta herisa vadyohi hinkwavo va tiko, Leswaku emutini wa Yehovha ku ta suseteriwa Hinkwavo vatirhi va ku homboloka.