1 TIKRONIKA 9 - Xitsonga (Bibele)

Ta vaaki va Yerusalema, loko va vuyile evukhumbini.

¹ Vaisraele hinkwavo va tsariwile, va tsariwa kunene ebukwini ya tihosi ta Israele; kutani va Yuda va yisiwa eBabilona evukhumbini, hikwalaho ka swidyoho swa vona.

² Vaaki vo rhanga lava akeke etikweni ra vona ni le mitini ya vona a va ri Vaisraele, ni vaprista, ni Valevhi ni Vanetinimi.

³ EYerusalema, ku akile vana van'wana va Yuda, ni vana van'wana va Benjamini, ni vana van'wana va Efrayimi na Manase,

⁴ a a ri Utayi, n'wana Amihudi, n'wana Omri, n'wana Imri, n'wana Bani; va ri vatukulu va Perese, n'wana Yuda.

⁵ Ni va Xiloni: Asaya, mativula, ni vana va yena.

⁶ Vana va Zera: Yuwele, ni vamakwavo, va ri 690.

⁷ Vana va Benjamini: Salu, n'wana Mexulama n'wana Hodavhiya, n'wana Hasenuwa,

⁸ na Yibineya, n'wana Yerohama, na Ela, n'wana Uzi, n'wana Mikri, na Mexulama, n'wana Xefatiya, n'wana Rhuwele, n'wana Yibiniya;

⁹ ni vamakwavo hi tinxaka ta vona, va ri 956. Vanhu lava hinkwavo a ti ri tihosana ta tindlu ta vatata wa vona.

¹⁰ Ni exikarhi ka vaprista, Yedaya, na, Yoyaribi, na Yakini;

¹¹ na Azariya, n'wana Hilkiya, n'wana Mexulama, n'wana Sadoki, n'wana Merayoto, n'wana Ahituba, mulanguteri wa yindlu ya Xikwembu;

¹² na Adaya, n'wana Yerohama, n'wana Paxahuru, n'wana Malikiya; na Maasayi, n'wana Adiele, n'wana Yahazera, n'wana Mexulama, n'wana Mexilemi, n'wana Imere;

¹³ ni vamakwavo, va ri vini va tindlu ta vatata wa vona, va ri 1 760, vavanuna lava tiyeke ku tirha ntirho wa yindlu ya Xikwembu.

¹⁴ Exikarhi ka Valevhi: Xemaya, n'wana Haxuba, n'wana Azirikama, n'wana Haxabiya, wa vana va Merari;

¹⁵ na Bakabakara, Herexe na Galala na Mataniya, n'wana Mikaya, n'wana Zikri, n'wana Asafa;

¹⁶ na Obadiya, n'wana Xemaya, n'wana Galala, n'wana Yedutuni, na Berekiya, n'wana Asa, n'wana Elikana, la akeke emitini ya va Netofa.

¹⁷ Valanguteri va tinyangwa: Xalumi, na Akubu, na Talimoni, na Ahimani, ni vamakwavo; Xalumi a yi ri hosana;

¹⁸ ni ku fika namuntlha, va yimile enyangweni ya hosi evuxeni; hi vona lava ngi va ri valanguteri va tinyangwa va nxaxa wa vana va Levhi.

¹⁹ Xalumi, n'wana Kore, n'wana Ebiyasafa, n'wana Kora, ni vamakwavo va yindlu ya tata wa yena, Vakora a va ri valanguteri va ntirho ni valanguteri va nyangwa ya Tabernakela, vatata wa vona a va ri valanguteri va nyangwa ya nxaxa wa Yehovha.

²⁰ Finiyasi, n'wana Eliyazara, a a ri hosana ya vona khale, Yehovha a a ri na yena.

²¹ Zakariya, n'wana Mexelemiya, a a ri mulanguteri wa nyangwa ya Tabernakela ya nhlengeletano.

²² Hinkwavo lava hlawuriweke ku va valanguteri va tinyangwa, a va ri va 212 lava tsariweke emitini ya vona, hilaha Davhida na Samiele, muvoni, va va vekeke emitirhweni ya vona.

²³ Vona ni vana va vona va vekiwile etinyangweni ta yindlu ya Yehovha, ya Tabernakela, ku ti hlayisa.

²⁴ Valanguteri va tinyangwa a va ri ematlhelweni ya mune, evuxeni, ni le vupeladyambu, ni le n'walungwini, ni le dzongeni.

²⁵ Vamakwavo, lava ngi va ri emitini ya vona, a va fanele ku ta eka vona, va tshama masiku ya ntlhanu na mambirhi, hi nkarhi lowu vekiweke;

²⁶ hikuva valanguteri lavakulu va mune, Valevhi, a va ri ni mfanelo ya ku langutela makamara ni xuma xa yindlu ya Xikwembu.

²⁷ A va tshama nivusiku ekusuhi ni yindlu ya Xikwembu, hikuva a va fanele ku yi hlayisa ni ku yi pfula hi masiku hinkwawo nimixo.

²⁸ Van'wana a va hlayisa swigotso swa ntirho, hikuva va tshama va swi hlaya loko va swi veka endlwini, va swi hlaya ni loko va swi humesa.

²⁹ Van'wana va vekiwile ku hlayisa swibya swin'wana ni swingolongondzwana hinkwaswo leswi hlawuriweke, ni mapa ya ku saseka ni vhinyo, ni mafurha ni mirhi ya risuna.

³⁰ Lava hlanganisaka mirhi ya risuna, a va ri vana va vaprista.

³¹ Matitiya, wa Mulevhi, mativula ya Xalumi, wa Kora, a a vekiwile entirhweni wa swinkwanyana.

³² Van'wana va vana va Kohata, vamakwavo, a va ri ni ntirho wa swinkwa leswi hlawuriweke ku swi lunghisa ni ku swi veka hi tinxaxa hi Savata rin'wana ni rin'wana.

³³ Hi vona vayimbeleri, tihosana ta vatatana va Valevhi; a va tshama etindlwini loko va nga ri na ntirho wun'wana; hikuva nhlekanhi ni vusiku a va khoma ntirho wa vona.

³⁴ Hi tona tihosana ta vatatana va Valevhi, ti ri tihosana hi tinxaka ta vona; a va akile eYerusalema.

³⁵ Tata wa Gibiyoni, Yeyiele, a a akile eGibiyoni; vito ra nsati wa yena a a ri Maaka;

³⁶ mativula ya yena a a ri Abidoni, na Suru, na Kixi, na Baali, na Neri, na Nadabu,

³⁷ na Gedori, na Ahiyo, na Zakariya, na Mikiloto.

³⁸ Mikiloto a veleka Ximeya; na vona a va akile ni vamakwavo eYerusalema.

³⁹ Neri a veleka Kixi, Kixi a veleka Sawulo, Sawulo a veleka Yonatani na Maliki-Xuwaka, na Abinadaba, na Exi-Baali.

⁴⁰ N'wana Yonatani a a ri Meriba-Baali, Meriba-Baali a veleka Mika.

⁴¹ Vana va xinuna va Mika a a ri Pitoni, na Meleki, na Tareya.

⁴² Akazi a veleka Yara; Yara a veleka Alemete, na Azimavhete, na Zimri; Zimri a veleka Moza;

⁴³ Moza a veleka Bineya, na Refaya; Eliyasa, n'wanakwe, Asele, n'wanakwe.

⁴⁴ Asele a a ri ni vana va xinuna va ntlhanu na un'we. Mavito ya vona hi lawa: Azirikama, Bokeru, Iximaele, Xeyariya, Obadiya, na Hanana. Hi vona vana va Asele.