1 TIKRONIKA 7 - Xitsonga (Bibele)

Rixaka ra Isakara ni ra Benjamini, ni ra Neftali, ni ra Manase ni ra Efrayimi, ni ra Asere.

¹ Vana va xinuna va Isakara a va ri mune: Tola, Puwa, Yaxubu, Ximroni.

² Vana va Tola: Uzi, Refaya, Yeriele, Yahamayi, Ibisamu, Xemuwele, ti ri tihosana ta tindlu ta vatata wa vona, va Tola, ti ri tinhenha etinxakeni ta vona. Enkarhini wa Davhida, ntsengo wa vona, a va ri 22 600.

³ Vana va Uzi: Yizirahiya; vana va Yizirahiya: Mikaele, Obadiya, Yuwele, Yixiya: tihosana ta ntlhanu.

⁴ Ehandle ka swona a va ri ni mavandla lama hlomeke ya vavanuna va 36 000, hi tinyimba ta vona ni tindlu ta vatata wa vona, hikuva a va ri ni vavasati lavo tala, ni vana vo tala.

⁵ Vamakwavo va tindlu hinkwato ta Isakara, va ri lava tiyeke enyimpini, va tsariwile hinkwavo, va ri 87 000.

⁶ Vana va xinuna va Benjamini a va ri vanharhu: Bela, Bekere, Yediele.

⁷ Vana va xinuna va Bela: Esiboni, Uzi, Uziele, Yerimoto, Iri, tihosana ta ntlhanu ta tindlu ta vatatana, ti ri tinhenha; va tsariwile va ri 22 034.

⁸ Vana va xinuna va Bekere: Zemira, Yowasi, Eliezere, Eli-Howenayi, Omri, Yeremoto, Abiya, Anatoto, Alemete; hinkwavo lava a va ri vana va Bekere;

⁹ va tsariwile hi tindlu ta vona, hi tihosana ta tindlu ta vatata wa vona va ri vavanuna va 20 200, lava tiyeke enyimpini.

¹⁰ Vana va xinuna va Yediele: Bilihani, vana va xinuna va Bilihani: Yewuxi, Benjamini, Ehudi, Kenaana, Zetana, Tarxixi, Ahixakara.

¹¹ Hinkwavo lava i vana va Yediele, tihosana ta tindlu ta vatata wa vona va ri lava tiyeke enyimpini: va ri vavanuna va 17 200, lava humaka nyimpi.

¹² Xupimi na Hupimi, vana va Iri; Huximi n'wana Ahere.

¹³ Vana va xinuna va Neftali: Yahasiele, Guni, Yesere, Xalumi, vana va Biliha.

¹⁴ Vana va xinuna va Manase: Asiriele la velekiweke hi nsati lontsongo wa yena, wa Musiriya; a veleka Makiri, tata wa Giliyadi.

¹⁵ Makiri a teka nsati wa ka Hupimi na Xupimi, vito ra makwavo wa wansati a a ri Maaka. Vito ra lowa vumbirhi a a ri Selofihada, Selofihada a kuma vana va xisati.

¹⁶ Maaka, nsati wa Makiri, a veleka n'wana wa wanuna, a n'wi thya vito ra Perexe vito ra makwavo a a ri Xerexe, vana va xinuna va yena a a ri Ulamu na Rakeme.

¹⁷ N'wana wa wanuna wa Ulamu: Bedani. Hi vona vana va Giliyadi, n'wana Makiri, n'wana Manase.

¹⁸ Makwavo wa wansati Hamoleketa a veleka Ixihodo, Abiezere na Mahela.

¹⁹ Vana va Xemida a a ri Ahiyana na Xikeme na Liki na Aniyama.

²⁰ Vana va xinuna va Efrayimi: Xutela na Berede, n'wanakwe, na Tahata, n'wanakwe, na Eleyada, n'wanakwe, na Tahata, n'wanakwe,

²¹ na Zabada, n'wanakwe, na Xutela, n'wanakwe; na Ezere na Eleyada, Vanhu va Gati, lava tswariweke etikweni, va va dlaya, hikuva a va ngirimerile ku ya teka mitlhambi ya vona.

²² Efrayimi, tata wa vona a va enkosini enkarhini lowo leha, kutani vamakwavo va ta ku n'wi chavelela.

²³ Kutani Efrayimi a ya eka nsati wa yena, a tika nyimba, a veleka n'wana wa wanuna; a n'wi thya vito ra Beriya (ekhombyeni) hikuva khombo a ri ri endlwini ya yena.

²⁴ N'wana wa xisati wa yena a a ri Xera; a aka Bet-Horoni wa le hansi, na Bet-Horoni wa le henhla na Uzeni-Xera.

²⁵ Refa, n'wanakwe na Rexefi, Tela n'wanakwe, na Tahani, n'wanakwe;

²⁶ Ladani, n'wanakwe; Amihudi, n'wanakwe; Elixama, n'wanakwe;

²⁷ Nuni, n'wanakwe, Yoxuwa, n'wanakwe;

²⁸ tiko ra vona ni vuako bya vona a byi ri eBetele, ni miti ya wona, na Naarani evuxeni; na Gezere, ni miti ya wona evupeladyambu, na Xikeme, ni miti ya wona, ku fika eGaza, ni miti ya wona.

²⁹ Hi tlhelo ra vana va Manase, Beta-Xeyani, ni miti ya wona, na Taanaka ni miti ya wona na Megido ni miti ya wona, na Dori, ni miti ya wona. Vana va Yosefa, n'wana Israele, va akile emitini leyi.

³⁰ Vana va xinuna va Asere: Yimina, Yixivha, Ixivhi, Beriya, na Seraka, makwavo wa wansati.

³¹ Vana va xinuna va Beriya: Hebere na Malikiele hi yena la nga va tata wa Birizayiti.

³² Hebere a veleka Yafelete na Xomere na Hotamu, na Xuwa, makwavo wa xisati.

³³ Vana va xinuna va Yafelete: Pasaka, na Bimihala, na Axivata. Hi vona vana va Yafelete.

³⁴ Vana va xinuna va Xomere: Ahi, na Rohoga, na Yehuba na Aramu.

³⁵ Vana va xinuna va Heleme, makwavo: Sofa, Yimna, Xelexi, na Amali.

³⁶ Vana va xinuna va Sofa: Suwaka, Harinefere, Xuwala, Beri, Imra,

³⁷ Beseri, Hodi, Xama, Xilixa, Yitirani, na Bera.

³⁸ Vana va xinuna va Yetere: Yefune na Pisipa, na Ara.

³⁹ Vana va xinuna va Ula: Ara, na Haniele, na Risiya.

⁴⁰ Hinkwavo lava i vana va Asere, i tihosana ta tindlu ta vatata wa vona, vanhu lava hlawuriweke ni tinhenha, ti ri tihosi exikarhi ka tihosana. Ntsengo wa vavanuna lava tsaleriweke nyimpi a va ri 26 000.