1 TIKRONIKA 3 - Xitsonga (Bibele)

Rixaka ra Davhida.

¹ Hi vona vana va xinuna va Davhida lava velekeriweke yena eHebroni: Mativula i Aminoni, wa Ahinowama wa Yizriele; wa vumbirhi i Daniele, wa Abigayele wa Karmele;

² wa vunharhu i Abixalomu, n'wana Maaka, n'wana wa wansati wa Talimayi, hosi ya Gexuri; wa vumune i Adoniya, n'wana Hagiti;

³ wa vuntlhanu i Xefatiya, wa Abitali, wa ntlhanu na un'we i Yitereyamu, wa Egila, nsati wa yena.

⁴ Vana va xinuna lava ntlhanu na un'we va velekeriwe yena eHebroni; a fuma kona malembe ya ntlhanu na mambirhi ni tin'hweti ta ntlhanu na yin'we kutani a fuma malembe ya 33 eYerusalema.

⁵ Hi vona lava velekeriweke yena eYerusalema: Ximeya, Xobabu, Natani na Solomoni, va mune va Bata-Xuwaka n'wana Amiele,

⁶ Yibehari, Elixama, Elifelete,

⁷ Noga, Nefege, Yafiya,

⁸ Elixama, Eliyada, Elifelete; va ntlhanu na mune.

⁹ Hi vona lava vana hinkwavo va xinuna va Davhida, loko ku nga hlayiwi vana va vasati lavatsongo; Tamari a a ri makwavo wa vona wa wansati.

¹⁰ N'wana wa wanuna wa Solomoni: i Rhobuwamu; Abiya n'wanakwe; Asa, n'wanakwe; Yoxafati, n'wanakwe;

¹¹ Yehoramu, n'wanakwe, Ahaziya, n'wanakwe; Yowasi, n'wanakwe;

¹² Amasiya, n'wanakwe; Azariya, n'wanakwe; Yotamu, n'wanakwe;

¹³ Akazi, n'wanakwe; Hezekiya, n'wanakwe; Manase n'wanakwe,

¹⁴ Amoni, n'wanakwe; Yosiya, n'wanakwe.

¹⁵ Vana va xinuna va Yosiya: mativula, i Yohanani; wa vumbirhi, i Yoyakimi, wa vunharhu, i Sedekiyasi; wa vumune, i Xalumi.

¹⁶ Vana va xinuna va Yoyakimi: Yekoniya, n'wanakwe; Sedekiyasi, n'wanakwe.

¹⁷ Vana va xinuna va Yekoniya, mukhomiwa: Salatiele, n'wanakwe,

¹⁸ Malikirama, Pedaya, Xenasara, Yekamiya, Hoxama, Nebadiya.

¹⁹ Vana va xinuna va Pedaya: Zerubabele na Ximeyi. Vana va xinuna va Zerubabele: Mexulama na Hananiya; na Xelomiti, makwavo wa vona wa wansati;

²⁰ na Haxuba na Ohele, na Berekiya, na Hasadiya, na Yuxabi-Hesede: va ntlhanu.

²¹ Vana va xinuna va Hananiya: Pelatiya, na Yexaya, ni vana va Refaya, ni vana va Arinani, vana va Obadiya, ni vana va Xekaniya.

²² N'wana wa xinuna wa Xekaniya: Xemaya. Vana va xinuna va Xemaya: Hatuxi, Yigala, Bariya, Neyariya, Xafati; va ntlhanu na un'we.

²³ Vana va xinuna va Neyariya: Eli-Howenayi, Hezekiya, Azirikama, vanharhu.

²⁴ Vana va xinuna va Eli-Howenayi. Hodavhiya, Eliyaxibi, Pelaya, Akubu, Yohanani, Delaya, Anani; va ntlhanu na vambirhi.