1 TIKRONIKA 27 - Xitsonga (Bibele)

Tindhuna ta nyimpi.

¹ Hi vona vana va Israele hi ntsengo wa vona, tihosana ta tinyimba ni tindhuna ta dzana ni ta khume ra madzana, ni malandza ya vona lama tirhelaka hosi etimhakeni hinkwato ta mitlawa, yi ri leyi nghenaka entirhweni ni leyi humaka kona, en'hwetini yin'wana ni yin'wana, hi tin'hweti hinkwato ta lembe; ntlawa wun'wana ni wun'wana a wu ri wa vavanuna va 24 000.

² Entlaweni lowo rhanga, wa n'hweti yo sungula, ku vekiwile Yaxobuwama, n'wana Zabadiele, ndhuna, ntlawa wa yena a wu ri wa vavanuna va 24 000.

³ A a ri ntukulu wa Perese; a a ri ehenhla ka tindhuna hinkwato ta nyimpi ya n'hweti yo sungula.

⁴ Entlaweni wa n'hweti ya vumbirhi, ku vekiwile Dodayi, wa Ahohi ndhuna. Entlaweni wa yena, Mikiloto a yi ri ndhuna; ntlawa wa yena a wu ri wa vavanuna va 24 000.

⁵ Ndhuna ya ntlawa wa vunharhu, wa n'hweti ya vunharhu, a a ri Benaya, n'wana Yehoyada, muprista; ntlawa wa yena a wu ri wa vavanuna va 24 000.

⁶ Benaya loyi, a a ri nhenha exikarhi ka lava makume manharhu, ni le henhla ka vona, ntlawa wa yena a wu fambisiwa hi Amizabada, n'wana wa yena.

⁷ Wa vumune, wa n'hweti ya vumune, a a ri Asahele, makwa Yowabu, ni le hansi ka yena, Zebadiya, n'wanakwe; entlaweni wa yena a a ri ni vavanuna va 24 000.

⁸ Wa vuntlhanu, wa n'hweti ya vuntlhanu, ndhuna, a a ri Xamihuti wa Yiziraha; entlaweni wa yena a a ri ni vavanuna va 24 000.

⁹ Wa ntlhanu na un'we, wa n'hweti ya ntlhanu na yin'we, a a ri Ira, n'wana Ikexe, wa Tekowa; entlaweni wa yena a a ri ni vavanuna va 24 000.

¹⁰ Wa ntlhanu na vambirhi, wa n'hweti ya ntlhanu na timbirhi, a a ri Helese, wa Peloni, wa vatukulu va Efrayimi; entlaweni wa yena a a ri ni vavanuna va 24 000.

¹¹ Wa ntlhanu na vanharhu, wa n'hweti ya ntlhanu na tinharhu, a a ri Sibekayi, wa Huxa, wa rixaka ra va Zera; entlaweni wa yena a ri ni vavanuna va 24 000.

¹² Wa ntlhanu na mune, wa n'hweti ya ntlhanu na mune, a a ri Abiezere, wa Anatoto, wa nyimba ya Benjamini; entlaweni wa yena a a ri ni vavanuna va 24 000.

¹³ Wa vukhume, wa n'hweti ya vukhume, a a ri Maharayi wa Netofa, wa rixaka ra va Zera; entlaweni wa yena a a ri ni vavanuna va 24 000.

¹⁴ Wa khume na un'we, wa n'hweti ya khume na yin'we, a a ri Benaya, wa Piratoni, wa nyimba ya Efrayimi; entlaweni wa yena a a ri ni vavanuna, va 24 000.

¹⁵ Wa khume na vambirhi, wa n'hweti ya khume na timbirhi, a a ri Helidayi, wa Netofa, wa rixaka ra Otiniele; entlaweni wa yena a a ri ni vavanuna va 24 000.

¹⁶ Hi tona tihosana ta tinyimba ta Israele: Hosana ya ka Rhuveni: Eliezere, n'wana Zikri, ya ka Simiyoni: Xefatiya n'wana Maaka;

¹⁷ ya ka Levhi: Haxabiya, n'wana Kemuwele: ya ka Aroni, Sadoki;

¹⁸ ya ka Yuda: Elihu, un'wana wa vamakwavo va Davhida; ya ka Isakara: Omri, n'wana Mikaele;

¹⁹ ya ka Zebuloni: Iximaya, n'wana Obadiya ya ka Neftali: Yerimoto, n'wana Aziriele;

²⁰ ya vana va ka Efrayimi: Hoxeya, n'wana Azaziya; ya hafu ya nyimba ya ka Manase: Yuwele, n'wana Pedaya;

²¹ ya hafu ya nyimba ya ka Manase, etikweni ra Giliyadi, Ido, n'wana Zakariya; ya ka Benjamini: Yaasiele, n'wana Abinere;

²² ya ka Dani: Asarele, n'wana Yerohama: Hi tona tihosana ta tinyimba ta Israele.

²³ Davhida a nga talangi va malembe ya makume mambirhi ni le hansi ka wona, hikuva Yehovha a a vurisile leswaku a ta andzisa va Israele kukotisa tinyeleti ta tilo.

²⁴ Yowabu, n'wana Seruya, a sungurile ku va hlaya kambe a nga hetanga, hikuva Yehovha a karihela va Israele hikwalaho ka mhaka leyi; kutani ku tala loku a ku hlayiwanga exikarhi ka ku hlaya ka Tikronika ta hosi Davhida.

²⁵ Azimavhete, n'wana Adiele, a a ri mulanguteri wa vuhlayiselo bya hosi; Yonatani, n'wana Uziya, a a ri mulanguteri wa tindlu ta xuma leti ngi ti ri emasin'wini, ni le mitini, ni le swimitaneni, ni le makhokholweni;

²⁶ Ezri, n'wana Kelubi, a a ri mulanguteri wa lava tirhaka emasin'wini ku rima masimu;

²⁷ Ximeyi, wa Rhama, a langutela tivhinya; na Zabidi, wa Xifimi, a langutela vhinyo leyi ngi yi ri tivhinyeni;

²⁸ Baala-Hanana, wa Gedere, a langutela mitlhwari ni mirhi ya makuwa leyi ngi yi ri erivaleni; Yowasi a hlayisa tindlu ta mafurha;

²⁹ Xitrayi, wa Xaroni, a langutela tihomu leti dyaka Xaroni; na Xafati, n'wana Adilayi, a langutela tihomu leti ngi ti ri emikoveni;

³⁰ Obili, wa Iximaele, a langutela tikamela, na Yehedeya, wa Meronoti timbhongolo;

³¹ na Yazizi, wa ka Hagara, a langutela tinyimpfu. Hinkwavo lava a va ri valanguteri va swifuwo leswi ngi swi ri swa hosi Davhida.

Tindhuna tin'wana ta Davhida.

³² Yonatani, makwa tata wa Davhida a yi ri ndhuna ya huvo, a a ri munhu wa ku twisisa ni wa vutivi; Yeyiele, n'wana Hakimoni, a a hlayisa vana va hosi.

³³ Ahitofele, a a ri wa huvo ya hosi; Huxayi, Muariki, a a ri nakulobye wa hosi.

³⁴ Endzhaku ka Ahitofele, Yehoyada, n'wana Benaya, na Abiyatara, va nghena ematshan'weni ya yena. Ndhuna ya nyimpi ya hosi a a ri Yowabu.