1 TIKRONIKA 24 - Xitsonga (Bibele)

Ta ku avanyisiwa ka vaprista hi mitlawa ya 24.

¹ Hi yona mitlawa ya vana va Aroni. Vana va xinuna va Aroni: Nadabu na Abihu, Eliyazara na Itamara.

² Nadabu na Abihu va rhangela tata wa vona hi ku fa, va nga siyangi vana va xinuna; kutani Eliyazara na Itamara va va vaprista.

³ Kutani Davhida, na Sadoki, wa vatukulu va Eliyazara, na Ahimeleke, wa vatukulu va Itamara, a va avela emitirhweni ya vona, hi ku tswariwa ka vona.

⁴ Va kuma leswaku vana va Eliyazara a va ri ni tihosana ta tindlu ku tlurisa vana va Itamara, kutani va va avanyisa sweswo: vana va Eliyazara a va ri ni tihosana ta 16 ta tindlu ta vatata wa vona, ni vana va Itamara a va ri ni tihosana ta 8 ta tindlu ta vatata wa vona.

⁵ Va va avanyisa hi vuhlolotwana van'wana ni van'wana, hikuva a ti ri tihosana ta vukwetsimelo ni tihosana ta Xikwembu exikarhi ka vana va Eliyazara ni ka vana va Itamara.

⁶ Xemaya, n'wana Netanele, mutsari, wa nyimba ya Levhi, a va tala emahlweni ka hosi ni tindhuna ni le mahlweni ka Sadoki muprista, na Ahimeleke, n'wana Abiyatara, ni le mahlweni ka tihosana ta tindlu ta vaprista ni ta Valevhi. Va hlawula hi vuhlolotwana yindlu yin'we yi va ya Eliyazara, yin'wana yi va ya Itamara.

⁷ Vuhlolotwana byo sungula byi hlawula Yoyaribi; bya vumbirhi, Yedaya;

⁸ bya vunharhu, Harimi; bya vumune, Seyorimi;

⁹ bya vuntlhanu, Malikiya; bya 6, Miyamini;

¹⁰ bya 7, Hakosi, bya 8, Abiya;

¹¹ bya 9, Yexuwa; bya 10, Xekaniya;

¹² bya 11, Eliyaxibi; bya 12, Yakimi;

¹³ bya 13, Hupa; bya 14, Yexebeyabu;

¹⁴ bya 15, Biliga bya 16, Imere;

¹⁵ bya 17, Heziri; bya 18, Hapisesi;

¹⁶ bya 19, Petahiya; bya 20, Yehezekeli;

¹⁷ bya 21, Yakini; bya 22, Gamuli;

¹⁸ bya 23, Delaya; bya 24, Maaziya.

¹⁹ Hi kona ku longoloka ka vona entirhweni wa vona, ku nghena endlwini ya Yehovha, hilaha Aroni, tata wa vona, a va leriseke hakona, hilaha Yehovha, Xikwembu xa Israele, a n'wi byeleke hakona.

²⁰ Loko va ri lava seleke va vana va Levhi, hi ta vona lava: Va vana va Amirama, Xubaele; va vana va Xubaele, Yehedeya.

²¹ Va Rehabiya, va vana va Rehabiya, hosana Yixiya;

²² va Yisihara, Xelomoto; va vana va Xelomoto, Yahata;

²³ ni vana va Hebroni; Yeriya, Amariya, wa vumbirhi, Yahaziele, wa vunharhu, Yekameyamu, wa vumune.

²⁴ Vana va Uziele: Mika; va vana va Mikiya, Xamiri;

²⁵ Makwa Mika, Yixiya; va vana va Yixiya, Zakariya.

²⁶ Vana va Merari: Maheli na Muxi, ni vana va Yaaziya, n'wanakwe.

²⁷ Vana va Merari, va Yaaziya, n'wanakwe: Xohamu na Zakuru, na Ibri.

²⁸ Va Maheli, Eliyazara, la nga riki na vana va xinuna.

²⁹ Va Kixi, vana va Kixi Yerahamiele.

³⁰ Ni vana va Muxi. Maheli, Edere na Yerimoto. Hi vona vana va xinuna va Valevhi, hi tindlu ta vatata wa vona.

³¹ Na vona, kukotisa vamakwavo, vana va Aroni va hlawuriwa hi vuhlolotwana emahlweni ka hosi Davhida, na Sadoki, na Ahimeleke, ni tihosana ta tindlu ta vaprista ni ta Valevhi, tihosana ta tindlu ta vatata wa vona ti hlawuriwa kukotisa vamakwavo lavatsongo.