1 TIKRONIKA 2 - Xitsonga (Bibele)

Rixaka ra Yakobo ni ra Yuda.

¹ Hi vona vana va xinuna va Israele: Rhuveni, Simiyoni, Levhi, Yuda, Isakara, Zebuloni;

² Dani, Yosefa, Benjamini, Neftali, Gadi, Asere.

³ Vana va xinuna va Yuda: Ere, Onani, Xela; lavanharhu va tswaleriwe yena hi Bata-Xuwaka, wa Mukanana. Ere, mativula ya Yuda, a a ri lowo biha emahlweni ka Yehovha, kutani Yehovha a n'wi dlaya.

⁴ Tamara, n'wingi wa Yuda, a n'wi velekela Perese na Zera. Ntsengo wa vana va xinuna va Yuda i ntlhanu.

⁵ Vana va xinuna va Perese: Hesironi na Hamula.

⁶ Vana va xinuna va Zera: Zimri, Etani, Hemani, Kalikolo na Dara. Hinkwavo a va ri ntlhanu.

⁷ Vana va xinuna va Karimi: Akari la pfilunganyeke Israele loko a dyoha hikwalaho ka anathema.

⁸ N'wana wa xinuna wa Etani: Azariya.

⁹ Vana va xinuna lava tswaleriweke Hesironi: Yerahamiele, Rhamu na Kelubayi (Kalebe).

¹⁰ Rhamu a veleka Aminadaba, Aminadaba a veleka Nahaxoni, hosana ya vana va Yuda.

¹¹ Nahaxoni a veleka Salma, Salma a veleka Bowazi,

¹² Bowazi a veleka Obede, Obede a veleka Yese,

¹³ Yese a veleka Eliyabu mativula ya yena, na Abinadaba lowa vumbirhi, na Ximeya lowa vunharhu,

¹⁴ na Netanele wa vumune, na Rhadayi wa vuntlhanu,

¹⁵ na Oseme, wa ntlhanu na un'we, na Davhida wa ntlhanu na vambirhi.

¹⁶ Vamakwavo va vona va xisati a a ri Seraya, na Abigayele. Vana va xinuna va Seruya: Abixayi, Yowabu na Asahele; vanharhu.

¹⁷ Abigayele a veleka Amasa; tata wa Amasa a a ri Yetere, Muiximaele.

¹⁸ Kalebe, n'wana Hesironi, a kuma vana na Azuba, nsati wa yena, na Yeriyoti. Vana va xinuna va Azuba hi lava: Yexere, Xobabu na Aridoni.

¹⁹ Azuba a fa, kutani Kalebe a teka Efrata; yena a n'wi velekela Huru.

²⁰ Huru a veleka Uri, Uri a veleka Besalele.

²¹ Kutani Hesironi a ya eka n'wana Makiri, tata wa Giliyadi, a n'wi teka loko a ri wa malembe ya 60, kutani a n'wi velekela Segubu.

²² Segubu a veleka Yayiro la ngi a ri ni miti ya 23 etikweni ra Giliyadi.

²³ A tekela Vagexuri ni Vaaramu miti ya Yayiro, na Kenata, ni miti ya kona, miti ya 60, Hinkwavo lava a va ri vana va Makiri, tata wa Giliyadi.

²⁴ Endzhaku ka ku fa ka Hesironi, eKalebe-Efrata, Abiya, nsati wa Hesironi, a n'wi velekela Axuru, tata wa Tekowa.

²⁵ Vana va xinuna va Yerahamiele, mativula ya Hesironi, a a ri Rhamu, mativula, na Buna, na Orene, na Oseme, n'wana Ahiya.

²⁶ Yerahamiele a a ri ni nsati un'wana, vito ra yena a a ri Atara; a va mana wa Onamu.

²⁷ Vana va xinuna va Rhamu, mativula ya Yerahamiele, a a ri Maasa, Yamini, na Ekere.

²⁸ Vana va xinuna va Onamu: Xamayi na Yada. Vana va xinuna va Xamayi: Nadabu na Abixuri.

²⁹ Vito ra nsati wa Abixuri a a ri Abihayili: a n'wi velekela Ahabana na Molidi.

³⁰ Vana va xinuna va Nadabu: Seledi na Apayimi. Seledi a fa a nga siyanga vana va xinuna.

³¹ N'wana wa wanuna wa Apayimi: Yixi. N'wana wa wanuna wa Yixi: Xexana. N'wana wa wanuna wa Xexana: Ahilayi.

³² Vana va xinuna va Yada, makwa Xamayi: Yetere na Yonatani. Yetere a fa a nga ri na vana va xinuna.

³³ Vana va xinuna va Yonatani: Pelete na Zaza. Hi vona vana va Yerahamiele.

³⁴ Xexana a nga vanga na vana va xinuna, a a ri ni vanhwanyana ntsena. Xexana a a ri ni nandza wa Muegipta. Vito ra yena a a ri Yariha.

³⁵ Xexana a nyika Yariha, nandza wa yena, n'wana wa yena ku va nsati wa yena; kutani a n'wi velekela Atayi.

³⁶ Atayi a veleka Natani, Natani a veleka Zabada,

³⁷ Zabada a veleka Elifale, Elifale a veleka Obede,

³⁸ Obede a veleka Yehu, Yehu a veleka Azariya,

³⁹ Azariya a veleka Helese, Helese a veleka Eliyasa,

⁴⁰ Eliyasa a veleka Sisamayi, Sisamayi a veleka Xalumi,

⁴¹ Xalumi a veleka Yekamiya, Yekamiya a veleka Elixama.

⁴² Vana va xinuna va Kalebe, makwa Yerahamiele: Mexa, mativula ya yena, la nga tata wa Zifi, ni vana va xinuna va Marexa, tata wa Hebroni.

⁴³ Vana va xinuna va Hebroni: Kora, Tapuwaka, Rekemu na Xema.

⁴⁴ Xema a veleka Rahamu, tata wa Yorkowamu, Rekemu a veleka Xamayi.

⁴⁵ N'wana wa wanuna wa Xamayi a a ri Mawoni; Mawoni a va tata wa Beta-Suru.

⁴⁶ Efa, nsati lontsongo wa Kalebe, a veleka Harana na Moza na Gazeze. Harana a veleka Gazeze.

⁴⁷ Vana va xinuna va Yadayi: Regemu, Yotamu, Gexani, Pelete, Efa na Xaafu.

⁴⁸ Maaka, nsati lontsongo wa Kalebe, a veleka Xebere na Tirihana;

⁴⁹ a veleka na Xaafu, tata wa Madimana, na Xeva, tata wa Makabena na Gibeya. N'wana wa wansati wa Kalebe a a ri Akisa.

⁵⁰ Lava a va ri vana va xinuna va Kalebe: Xobala, n'wana Huru, mativula ya Efrata ni tata wa Kiriyata-Yeyarimi;

⁵¹ Salma, tata wa Betlehema; Harefi, tata wa Beta-Gadere.

⁵² Vana va xinuna va Xobala, tata wa Kiriyata-Yeyarimi, a a ri: Harowa, Hatsi-Hamenuhoto,

⁵³ ni tindlu ta Kiriyata-Yeyarimi, va Yitira, ni va Puti ni va Xuma, ni va Mixira; eka valavo ku humile va Sora ni va Exitawulu.

⁵⁴ Vana va xinuna va Salma: Betlehema ni va Netofa, Atiroto-Beta-Yowabu, Hatsi-Hamanahate, ni va Sora,

⁵⁵ ni tindlu ta vatsari lava akeke eYabese: va Tiriha, ni va Ximeya ni va Suka. Vona Vakeni lava humaka eka Hamata, tata wa yindlu ya Rekaba.