Yone 1 - Bibela ea Boitsépho 1890 (Sechuana Tlhaping - Moffatt Bible)

KHAOLO 1.

¹ MI lehuku ya ga Yehova ya rihahalela Yone moroa Amitae, ya re,

² Nanoga, u ee kua Nineve, motse o mogolu ouo, mi u küe kaga ona; gone boshula yoa bona bo tlatlogetse ha pele ga me.

³ Mi Yone a nanoga go tsabela hatlogo sa ga Yehova kua Tareshesha: mi a ea kua Yopa; mi a bona shepa se se eañ Tareshesha: mi a leha tuelo ea shona, mi a tsena go shona, go ea Tareshesha nabo, go coa ha pele ga Yehova.

⁴ Mi Yehova a holosetsa pheho e kholu mo leoatleñ, mi ga na moroalela o mogolu mo leoatleñ, mi ga itloñoa ha shepa se tla thubega.

⁵ Ereha gona ba leoatle ba boihañ, mi moñue le moñue a khayayegela go morimo oa gague, mi ba rigela mo leoatleñ lithoto tse ri mo shepeñ, go hehoharioa ka cona. Mi Yone a la a hologetse mo tlakoreñ tsa shepa, mi a le mo thulameloñ.

⁶ Mi muñ oa shepa a mo atamela, a mo raea, Gontse yañ ka u thulametse? nanoga, u biletse go Morimo oa gago, ekare khotsa Morimo oa re gopola, gore re si hele.

⁷ ¶ Mi ba rana, A re theleñ likelero, gore re itse eo boshula yo bo re tletseñ ka ena. Mi ba thela likelero, mi kelero e kaea Yone.

⁸ Ereha gona ba mo raeañ, A ko u re bulelele eo boshula yo bo re tletseñ ka ena? Tiho ea gago ki eñ? mi u coa kae? hatse ya gago ki lehe? mi u oa bathu bahe?

⁹ Mi a ba raea, Ki Mohebera, mi ki boiha Yehova, Morimo oa legorimo, eo o rihileñ leoatle le komelelo.

¹⁰ Mi banona ba boiha segolu, mi ba mo raea, U lu ua rihelañ yalo? gone banona ba itse a tsaba ha pele ga Yehova; gone a ba buleletse.

¹¹ Ba hela ba mo raea, Re tla gu rihañ, gore leoatle le re ririmalele? gone leoatle le hela lea roalelesega bogolu bogolu.

¹² Mi a ba raea, ’N@uletsañ, mi ’ntigelañ mo leoatleñ; mi leoatle le tla lo ririmalela: gone kia itse ha moroalela o mogolu o, o go lona ka ’na.

¹³ Mi banona ba hurua thata go bosetsa shepa kua lehatsiñ; mi ba paleloa: gone leoatle le ba roalelesegela bogolu bogolu.

¹⁴ Mi ba biletsa go Yehova, mi ba re, Au! Yehova, rea gu rapela, a re si hele ka botselo yoa monona eo, mi u si re pege mari a a sinañ molatu, gone, Yehova, u rihile yaka khatlego ea gago.

¹⁵ Mi ba culetsa Yone, ba mo rigela mo leoatleñ, mi leoatle ya khutla mo bocarareñ yoa yeona.

¹⁶ Mi banona ba boiha Yehova segolu, ba tlabela Yehova tlabelo, mi ba ikana maikano.

¹⁷ ¶ Mi Yehova a la a laolela tlapi e kholu go ’mmetsa Yone. Mi Yone o la a le mo maleñ a tlapi ka malatsi a teri le masigo a teri.