Yobe 7 - Bibela ea Boitsépho 1890 (Sechuana Tlhaping - Moffatt Bible)

KHAOLO 7.

¹ A MOTHU ga a na le khañ mo lehatsiñ? mi malatsi a gague a ga a cuane le malatsi a molalerioi?

² Ki cuana le motlañka eo o hegeleloañ moroti, le yaka molalerioi eo o lebelelañ tuelo ea tiho ea gague:

³ Ki ruisioa khueri tsa boithamako yalo, mi masigo a khokholelo ki a laolecoe.

⁴ Eare ki itelega, ki re, Ki tla coga leñ, mi bosigo bo tla sia leñ? mi ki tletse liphetekhano go ea phepahaloñ.

⁵ Nama ea me e apesicoe ka liboku, le likholukuane tsa lorole; letlalo ya me le phanyegile, mi lea kha.

⁶ Metsi ea me e harima bogolu go selogi sa monyedi, mi e nyelela e sina tebelelo.

⁷ Gakologeloa ha botselo yoa me ki pheho: leitlo ya me ga le kitla le tlola le bona molemo.

⁸ Leitlo ya gague eo o ’mponañ, ga le kitla le ’nteba: maitlo a gago a go na, mi ga kieo.

⁹ Leru lea nyelela le tloga; gontse yalo le ena eo o hologelañ mo bobipoñ, ga a kitla a coa.

¹⁰ Ga a kitla a tlola a boela kua tluñ ea gague, le helo ga gague ga go kitla go tlola go mo itse.

¹¹ Ki gona ki si kitlañ ki thiba molomo oa me; ki tla bua ka tlalelo ea moea oa me; ki tla itoka ka bogalaka yoa botselo yoa me.

¹² A ki leoatle, khotsa leruarua, ka u ’mpela tebelo?

¹³ Ha ki re, Bolaoana yoa me bo tla ’nkhomotsa, bolao yoa me bo tla hehohatsa boitoko yoa me;

¹⁴ Ereha gona u ’ntherañ ka litoro, u ’nkhobera ka liponaco.

¹⁵ Yalo moea oa me o itseñkela peto, le loshu bogolu go marapo a a me.

¹⁶ Ki nyatsa botselo; ’nko ki sa tsele ka gale; ’ntesa; gone malatsi a me a le boithamako.

¹⁷ Mothu ki eñ, ha u ka mo gorisa? le go baea pelu ea gago go ena?

¹⁸ Le go mo lekola ka mesho mesho, le go mo leka ka ponyo ea leitlo eñue le eñue.

¹⁹ Ana u tla khutla go ’nteba go lele go le kai? le go ’ntesa go metsa mathe a me.

²⁰ A ki leohile? ki gu rihetseñ, uena Moleberi oa bathu? le go u impe-letseñ se se deoañ, e tsamaea ki rihega melego go ’na?

²¹ Mi ga u incuareleleñ tlolo ea me, le go tlosa tsiamologo ea me? gone yana ki tla robala mo ombuñ; mi u tla ’mpatla mo moshoñ, mi ga ’nkitla ki bo ki leeo.