Yobe 32 - Bibela ea Boitsépho 1890 (Sechuana Tlhaping - Moffatt Bible)

KHAOLO 32.

¹ YALO banona ba teri ba, ba khutla go araba Yobe, ecua a le tsiamo mo maitloñ a gague.

² Ereha gona bogale yoa ga Elihue moroa Barakele oa Mobusa, oa losika loa Rame bo tukañ: bogale yoa gague yoa tukela Yobe, gone a itsiamisa bogolu go Morimo.

³ Bogale yoa gague yoa tukela le cona litsala tsa gague li teri, gone ba paleloa go araba, leha gontse yalo ba latuhatsa Yobe.

⁴ Mi Elihue o la a lebelela ea tsamaea Yobe a bua, gone ba le bagolu go ena.

⁵ Erile Elihue a bona ha karabo e sieo mo melomoñ ea banona ba teri ba, bogale yoa gague yoa tuka.

⁶ Mi Elihue moroa Barakele oa Mobusa a araba, a re, Ki oa malatsi manye, mi lona lo cohetse; ki gona ki ikhehañ, mi ka boiha go lo bontsa khopolo ea me.

⁷ Ka re, A malatsi a bue, le bontsi yoa linyaga bo itsise kico.

⁸ Rure, moea o mo mothuñ: le purulo ea Mothatietle ea mo tlalogantsa.

⁹ Bagoluane ga ba tlalehe ka gale, le gona bagolu ga ba tlaloganye tsiamisho.

¹⁰ Ki gona ki reñ, ’Nthetsañ; le na ki tla lo bontsa khopolo ea me.

¹¹ Bonañ, ki lebeletse mahuku a lona; ka sekegela litlaloganyo tsa lona tsebe, ka lo loa tlotlomisa se lo tla se buañ.

¹² E, ka lo tlokomela, mi bonañ, go si ope oa lona eo o lemotsañ Yobe, khotsa go araba mahuku a gague:

¹³ Gore e si re khotsa lo tla re, Re bonye botlale: Morimo o ka mo henya, esiñ mothu.

¹⁴ Mi ga a ka a ’nthulaganyetsa mahuku a gague: le gona ga ’nkitla ki mo araba ka mahuku a lona.

¹⁵ Ba reregile mi ba sa tlole ba araba: ba katositse mahuku go bona.

¹⁶ Mi ka lebelela, mi ga ba bue, ba ema, ga ba tlole ba araba;

¹⁷ Ki gona ’na ki tla arabela kabo ea me, le ’na ki tla bontsa khopolo ea me.

¹⁸ Gone ki tletse mahuku, moea o o mo go ’na oa ’nkhola.

¹⁹ Bonañ, empa ea me e cuana le boyaloa yo bo sa tsibololoeñ; ekete e tla phanyega yaka makuka a masha.

²⁰ Ki tla bua gore ki sehumole: ki tla tumolola pounama tse me, ki araba.

²¹ Au, a ki si gobele ope, mi a ki si nee bathu maina a borethe.

²² Gone ga ki itse go umaka maina a borethe; Mopi oa me o tla ’ntlosa ka bokhutsanyane.