Yobe 15 - Bibela ea Boitsépho 1890 (Sechuana Tlhaping - Moffatt Bible)

KHAOLO 15.

¹ MI Elifase oa Motemana a araba, a re,

² A monona eo o tlalehileñ a o araba ka kico ea boheho, a tlatse empa ea gague pheho ea Iseta?

³ Ka go buela ka mahuku a a sa ñomaeleñ, le ka lipulelo tse ri sa lemohatseñ.

⁴ E, u cupuetsa poiho, mi u okocolola thapelo ha pele ga Morimo.

⁵ Gone molomo oa gago oa ruta ga tsiamololo ea gago, mi u itseñkela loleme loa bohelepa.

⁶ Molomo oa gago o gu sekisa mi esiñ ’na: le lipounama tsa gago li shupa ga gago.

⁷ A u monona eo o tsecoeñ pele? a u lu ua rihoa pele ga lithabana?

⁸ A u utluile bosaitsioeñ yoa Morimo? mi a u ikhogetse botlale?

⁹ Eñ se u se itseñ, se re sa se itseñ? eñ se u se tlaloganyañ, se se sieoñ go rona?

¹⁰ Ba tlogo tse ri pururu le bacohe re na nabo, ba malatsi a le mantsi bogolu go a ga rago.

¹¹ A likhomoco tsa Morimo a li gu botlaganetse? le mahuku a mamaisho go uena?

¹² Pelu ea gago e gu tsieletsañ? u goetlelañ ka maitlo a gago?

¹³ Ka u bosetsa Morimo moea oa gago, le go entsa mahuku a a thata mo molomoñ oa gago?

¹⁴ Mothu ki eñ, ha a ka na itseko? le eo o belegecoeñ ki mosari, ha a ka na tsiamo?

¹⁵ Bona, ga o ikanye baitsephi ba ona; le magorimo ga a itseka mo maitloñ a ona.

¹⁶ Monona o moila le oa seboru bogolu bogolu yañ, eo o noañ tsiamologo yaka metse?

¹⁷ ’Nkutlua, ki tla gu shupetsa; mi se ki se bonyeñ ki tla se kakanya;

¹⁸ Se matlale a se bonyeñ go boraao, ba se buletse ba sa se shube:

¹⁹ Ba ba le ba neoa lehatsi bosi, mi go si ka ga khabaganya moeñ mo go bona.

²⁰ Moikepi o tlukuhala mo malatsiñ a gague aotle, mi palo ea linyaga li shubegetse moitsegi.

²¹ Tumo ea lipoitsego e mo tsebeñ tsa gague: le mo kagishoñ moherisi o tla tla go ena.

²² Ga a rumele ha a tla boea mo hihiñ, mi caka ea mo lebelela.

²³ O timelela liyo, a re, Li ha kae? o itse ha tsatsi ya lehihi le ikitleritse ha atleñ sa gague.

²⁴ Pitlagano le tlalelo li tla mo khobera; li mo thatahalela, yaka khosi e e ikitleletsañ tlabano.

²⁵ Gone a otlololela Morimo atla sa gague, mi a inatlahaletse Mothatietle.

²⁶ O o tabogela ka thamo, le ka ligogoropo tse ri kueneñ tsa thebe tsa gague:

²⁷ Gone o khurumetsa hatlogo sa gague ka nonno ea gague, mi a rihe makukunopu mo mañkopeñ a gague.

²⁸ Ki gona o tla nnañ mo metseñ e e sencoeñ, le mo matluñ a a sa nnoeñ ki ope, a a ikitleritseñ go na mekoa.

²⁹ Ga a kitla a huma, le nonoho ea gague ga e kitla e tlomama, le gona lithuo tsa gague ga li kitla li anama mo hatsiñ.

³⁰ Ga a kitla a hapoga lehihi; khabu e tla omisa kala tsa gague, mi o tla hapoga ka purulo ea molomo oa gague.

³¹ A a si ikanye boithamako, o tla timerioa. Boithamako bo tla na khopololo ea gague.

³² Ga a kitla a uetsa motla oa gague, mi kala ea gague ga e kitla e talahala.

³³ O tla urubatsa louñuo lo lo sa bucoañ loa gague yaka movina, mi o tla tlotlora sheshe sa gague yaka motluare.

³⁴ Kokoano ea baitimokanyi e tla na tsenyego, mi molelo o nyeletsa litenta tsa theleseco.

³⁵ Ba ithuala khokholelo, mi ba tsala tsiamololo, mi empa tsa bona li bakanya tsieco.