Yesaye 57 - Bibela ea Boitsépho 1890 (Sechuana Tlhaping - Moffatt Bible)

KHAOLO 57.

¹ MOSIAMI oa hela, mi ga go ope eo o go tsaeañ ka pelu: mi bathu ba pelunomi ba tlosioa, mi ga go ope eo o tlokomelañ ha mosiami a tlosioa mo boshuleñ;

² O tsena mo kagishoñ; ba lapologa mo malaoñ a bona, moñue le moñue o sepela pele ga gague.

³ ¶ Mi lona, atamelañ, lona ba lo leñ bomoroa moshuabi oa maru, lona losika loa segoke, le loa seaka.

⁴ Lo ikarisetsa mañ? lo atlamolosetsa mañ melomo? lo ntsetsañ liteme? a ga lo bana ba batlori le losika loa kako,

⁵ Ba lo goterioañ ki merimo tlatse ga tlare tse ri talana cotle, ka go bolaea bana mo megorogoroñ, tlatse ga lipharo tsa mahika?

⁶ Maye a borethe a mogorogoro, ki kabo ea lona; a ki aona boshua yoa lona: E, lo a thelela tlabelo ea noo, lo a tlabela setlabelo sa liyo. A ’nka gomorioa ki lilo tse?

⁷ Lo beile bolao yoa lona mo thabeñ e e gorimo e e golericoeñ: E, lo tlatlogetse gona go tlabela setlabelo.

⁸ Le gona lo beile segopoco sa lona morago ga meyako, le mephakuana; gone lo icoletse go o sele, esiñ go ’na; lo tlatlogile; lo caegile bolao yoa lona; lo golaganye le bona; lo ratile malao a bona; lo ipaletse bonno.

⁹ Lo etetse kua khosiñ ka loukuane, mi lo ntsiharitse meñkho ea lona e e monate; lo rometse baroñoi ba lona khakala, mi lo hologetse le mo bobipoñ.

¹⁰ Lo loa lapisioa ka bolele yoa eto loa lona; mi ga lo re, Go culohologo: lo bonye natlahalo ea atla tsa lona; ki gona lo si kañ loa ñoriisioa.

¹¹ Mañ eo o la a lo tsenya mo theregoñ? khotsa, lo loa boiha mañ, ka lo loa aka, le go bisa go ’nkhakologeloa, le esiñ go tsegetsa ka pelu tsa lona? a ki le ka ririmala, ka shuba maitlo? leha go ntse yalo ga loa ka loa ’mpoiha.

¹² Ki tla utluatsa tsiamo ea lona, le litiho tsa lona; gone ga li kitla li lo lemohalela.

¹³ Etlare mogañ lo khayayegañ, a ba lo ba phuthileñ ba lo golole; mi pheho e tla ba hela botle; boithamako bo tla ba tlosa; mi eo o ikanyañ o tla rua lehatse, le go na morui oa thaba ea me ea boitsepho.

¹⁴ Mi go tla tua, Gorisañ, gorisañ tsela; bakanyañ tsela, tlosañ sekhopi mo tseleñ ea bathu ba me.

¹⁵ Gone go bua yalo Eo oa bogorimo, eo o gorisicoeñ, eo o nntseñ mo bosakhutleñ, eo leina ya gague e leñ Boitsepho: Ki nna mo heloñ ga gorimo le ga boitsepho, le gona le ena eo oa moea o o thubegileñ, oa khobalalo, go tserisa meoea ea bakhobalari, le go tserisa pelu tsa ba meoea e e thubegileñ.

¹⁶ Gone ga ’nkitla ki ganela ka gale, mi ga ’nkitla ki yayarega ka bosakhutleñ; gone botselo bo ko bo nyelela ha pele ga me, le meoea e ki e rihileñ.

¹⁷ Ki le ka yayarega ka ba lotla ka tsiamololo ea timano ea bona; ka icuba, mi ka yayarega, gone ba le ba coelela pele ka tenego mo tseleñ ea pelu tsa bona.

¹⁸ Ki bonye tsela tsa bona, mi ki tla ba horisa: ki tla ba goga, ki ba ki ba naea likhomoco, le baleleri ba bona.

¹⁹ Ki bopa louñuo loa lipounama, eboñ kagisho, kagisho go bona ba ba leñ khakala, le go bona ba ba leñ gauhe, go bua Yehova; mi ki tla ba horisa.

²⁰ Mi baikepi ba cuana le leoatle ye le kharakhatsegañ, ye le sa kakeñ ya iketla, ye metse a yeona a bilolañ seretse le meraga.

²¹ Baikepi ga ba na kagisho, go bua Morimo oa me.