Yesaye 54 - Bibela ea Boitsépho 1890 (Sechuana Tlhaping - Moffatt Bible)

KHAOLO 54.

¹ OPELA, uena moopa, eo u lu u sa belege; ponyegela seheleñ, mi ruruetsa, uena eo u lu u si ka ua tlotseriega: gone bana ba eo o tlogecoeñ mo boyosiñ, ba bantsi bogolu go bana ba eo o nyecoeñ, go bua Yehova.

² Atlamolosa helo ga tenta ea gago; tsarolola lilepelelo tsa manno a gago: u si rekegele, leletsa linti tsa gago, mi nonotsa limapo tsa gago.

³ Gone u tla thobeselela go se se siameñ, le go sa molema; losika loa gago lo tla rua merahe, le go aga metse e e senyegileñ.

⁴ ¶ U si boihe, gone ga u kitla u tlayoa ki litloñ: le esiñ go tseañoa, gone ga u kitla u shoshobagañoa: gone u tla lebala litloñ tsa bokau yoa gago; mi khobo ea botlolagari yoa gago, ga u kitla u tlola u e gakologeloa.

⁵ Gone Morihi oa gago ki monona oa gago; Yehova oa lintua, ki leina ya gague; le Morekolori oa gago, ki Moitsephi oa Bayeserela; o tla birioa Morimo oa hatse yeotle.

⁶ Gone erile u tlaloa, Yehova o gu biritse yaka mosari eo o tlobogiloeñ, eo o pelu e e thubegileñ, yaka mosari oa bokau, go bua Morimo oa gago.

⁷ Ki gu tlarile ka ponyo e nyenye; mi ki tla gu phutha ka mautluelo‐matluku a magolu.

⁸ Ki le ka gu shubela hatlogo sa me ka momenta, ka yayarego e nyenye; mi ki tla gu utluela botluku ka pelunomi e e sa khutleñ, go bua Yehova, Morekolori oa gago.

⁹ Gone seuo, se go ’na yaka metse a ga Noe; yaka ki le ka ikana ha metse a ga Noe a si kitla a tlola a penologela lehatse, ki ikanne hela yalo, ha ki si kitla ki gu yayaregela go gu khalemela.

¹⁰ Leha lithaba li ko li katoga, le lithabana li ko li reketla, leha gontse yalo, pelunomi ea me ga e kitla e katosioa go uena; le kholagano ea kagisho ea me, ga e kitla e reketla, go bua Yehova Motlueri‐botluku oa gago.

¹¹ ¶ Au! uena mogisioi le moa-khaakhioi, eo a sa gomorioeñ, bona, ki tla baea maye a gago ka mebala e meiñtle, ki gu thaea ka lisafira.

¹² Ki tla riha liiponi tsa gago ka keresetale, le likhoro tsa gago ka liru-be, le meleloane ea gago eotle ka maye a a rategañ.

¹³ Mi bana ba gago botle ba tla rutoa ki Yehova; mi kagisho ea bana ba gago e tla na kholu.

¹⁴ U tla tlomamisioa mo tsiamoñ: u tla na khakala le patikego, gone ga u kitla u boiha; le mo theregoñ, gone ga e kitla e gu atamela.

¹⁵ Ha ba ko ba le ba phuthega, e tla bo e le e si ga me: leha e le mañmañ eo o tla gu phuthegelañ, o tla oa ka ntla ea gago.

¹⁶ Bonañ, ki tlola mothuri, eo o ubelañ magala mo moleloñ, mi a ogola thulo sa tiho ea gague; le ’na ki tlola mothopi go senya.

¹⁷ ¶ Libolao cotle tse u li etlelericoeñ, ga li kitla li tsegohala; mi u tla cua liteme cotle tse li tla gu cogelañ mo tsekoñ. Yo ki boshua yoa batlañka ba ga Yehova; mi tsiamo ea bona e coa go ’na, go bua Yehova.