Yesaye 43 - Bibela ea Boitsépho 1890 (Sechuana Tlhaping - Moffatt Bible)

KHAOLO 43.

¹ MI yana, go bua yalo Yehova eo o lo tlorileñ, lona Bayakoba; le ena eo o lo bopileñ, lona Bayeserela. Si boiheñ: gone ki lo rekolotse; ki lo biritse ka leina; lo ba me.

² Mogañ lo ralalañ mo metseñ, ki tla na le lona; le mo melapoñ, mi ga e kitla e lo penologela: mogañ lo sepelañ mo moleloñ ga lo kitla lo sha; mi khabu ga e kitla e lo cuba.

³ Gone ’na, Yehova, ki Morimo oa lona Moitsephi oa Bayeserela, Muluki oa lona: ki netse serekololo sa lona Egepeto, le Etiopia le Seba boemoñ yoa lona.

⁴ Lo lo loa tlotlisioa, gone lo le lo le ba thatego mo maitloñ a me: mi ka ki lo ratile, ki netse bathu boemoñ yoa lona, le merahe botseloñ yoa lona.

⁵ Si boiheñ; gone ki na le lona: ki tla lere losika loa lona lo coa mo Iseteñ, ki lo kokoanya go coa mo Ueseteñ;

⁶ Ki tla raea Noreta, Ntsa; le go Souta, U si khanele: lereñ bomoroake ba ba khakala, le bomoroariake mo khutloñ tsa lehatse;

⁷ Botle ba ba birioañ ka leina ya me: le ba ki ba tloletseñ khalalelo ea me, ba ki ba bopileñ, ka ba riha.

⁸ ¶ Ntsetsañ bathu ba bohohu ntle, ba ba nañ le maitlo; le ba boshushu, ba ba nañ le litsebe.

⁹ A licaba cotle li phuthege mogo, a merahe e kokoañoe: mañ eo o mogo eona, eo o ka utluatsañ mo? le go re utluisa lilo tsa ntla? a ba ntse bashupi ba bona, gore ba siamisioe: gore bathu ba utlue, ba re, Amarure.

¹⁰ Lona lo bashupi ba me, go bua Yehova; le batlañka ba me ba ki ba itseñketseñ: gore lo itse, lo ’ntumele, le go tlaloganya ha ki leeo: ga go Morimo ope o o lo oa rihoa pele ga me: mi ga go kitla go na ope hularoñ sa me.

¹¹ Ki ’na, ki Yehova: mi ga go muluki ope ha e si ’na.

¹² Ki utluisitse, ki bulukile, ka se utluisa, erile go sina morimo ope o sele mo go lona; lo bashupi ba me, go bua Yehova, ha e le ’na Morimo.

¹³ E, pele tsatsi le e si le ne, ki na eo; mi go si ope eo o ka gololañ mo atleñ sa me: ki tla riha, mi mañ eo o tla e khoreletsañ?

¹⁴ Go bua yalo Yehova, Morekolori oa lona, Moitsephi oa Bayeserela; Ki le ka roma kua Babelona ka lona, mi ka roba mephakalego eotle, le Bakaledia mo lishepeñ tsa boitumelo yoa bona.

¹⁵ Ki ’na Yehova, Moitsephi oa lona, Mopi oa Bayeserela, le Khosi ea lona.

¹⁶ Go bua yalo Yehova, eo o la a riha tsela mo leoatleñ, le tselana mo metseñ a a bonatla;

¹⁷ Eo o la a bolotsa cariota le pitse, le ntua le nonoho; ba le ba itelega mogo, ga ba ka ba tlola ba coga; ba le ba gonoga, ba tiñoa yaka lori loa lobone:

¹⁸ Si gakologeloeñ lilo tsa ntla, mi lo si gopole tsa bogolugolu.

¹⁹ Bonañ, ki tla riha tiho e nca: yana e tla tloga: a ga lo kitla lo e tlokomela? E, ki tla riha tsela gareganaga, le melapo mo poeñ.

²⁰ Litseri tsa naga li tla ’ntlotla, le liphiri, le lince: gone ki tla naea gareganaga metse, le melapo mo poeñ, go nosa bathu ba me, baitseñkeroi ba me:

²¹ Bathu ba ki ba ipopetseñ; ba tla kakanya pako ea me.

²² ¶ Mi lona Bayakoba, ga loa ka loa ’nthapela; le lona Bayeserela, lo loa lapisioa ki ’na.

²³ Ga loa ka loa ’nteretse likuana tsa tlabelo tsa lona tsa phisho; mi ga loa ka loa ’ntlotla ka litlabelo tsa lona, ga kia ka ka lo imahatsa ka tlabelo tsa liyo; mi ga kia ka ka lo lapisa ka ensense.

²⁴ Go loa ka loa ’nthekela nyoba ka mari, mi ga loa ka loa ’nyamuka ka mahura a litlabelo tsa lona: mi ki ima-haricoe ki maleo a lona, lo ’ntapisitse ka tsiamololo tsa lona.

²⁵ Ki ’na eo, ki ’na eo o phimolañ litlolo tsa lona, ka ntla ea me, le maleo a lona ga ’nkitla ki a gakologeloa.

²⁶ Lo ’nkhakolole; a re siamisa-nyeñ: lo kakanye gore lo siamisioe.

²⁷ Ra lona oa ntla o leohile, le ba-phutholori ba lona ba tlorile ha go ’na.

²⁸ Ki gona ki itshepolotseñ balaori ba helo ga boitshepo, mi ki netse Bayakoba go thogoñ, le Bayeserela go likhoboñ.