Yesaye 14 - Bibela ea Boitsépho 1890 (Sechuana Tlhaping - Moffatt Bible)

KHAOLO 14.

¹ GONE Yehova o tla utluela Bayakoba botluku, mi o tla ba a itseñkela Bayeserela, mi o tla ba lapolosa mo hatsiñ ya bona: mi baeñ ba tla ikopanya nabo, mi ba tla ñaparela ntlu ea Yakoba.

² Mi bathu ba tla ba cula, ba ba isa kua heloñ ga bona: mi ba ntlu ea Yeserela ba tla ba rua mo hatsiñ ya ga Yehova, go na batlañka le malata: ba tla ba isa bacuaroi, ba ba ba isitseñ bacuaroi; mi ba tla busa bapatiki ba bona.

³ ¶ Mi go tla rihala mo tsatsiñ ye mogañ Yehova a sina go lo naea boikhuco mo bohutsaneñ yoa lona, le mo khuruegoñ ea lona, le mo tiheloñ e e thata e lo e rihisicoeñ;

⁴ Mi lo tla tlaba seane se, kaga khosi ea Babelona, lo re, Mopatiki o khutlile yañ! mokhethisi oa gouda o bakile yañ!

⁵ Yehova o robile thupa ea baikepi, le tsamma ea babusi.

⁶ Eo o la a lotla bathu ka yayarego ka totlo e e sa tlogeñ, eo o la a busa mo meraheñ ka bogale, a ba khukhela ka go sa rekegele.

⁷ Lehatse yeotle le lapologa le iketla: ba ponyega sehela.

⁸ E, le mefira ea gu rurueletsa le mesedara ea Lebanona, ea re, E sa le u namalala hoñ, go si moremi ope eo o tlatlogetseñ go re rema.

⁹ Bobipo yo bo kua tlatse boa gu huruegela go khatlantsa go tla ga gago: bo gu cosetsa ba ba gonogileñ, bagoluane botle ba lehatse; bo nanola likhosi cotle tsa merahe mo literoneñ tsa cona.

¹⁰ Cotle tse li tla bua, li gu raea, A le uena u rihegile bokoa yaka rona? a u rihegile go cuana le rona?

¹¹ Pelahalo ea gago e holosericoe go bobipoñ, le tumo ea lisaletare tsa gago: go bola go ariloe tlatse ga gago, mi liboku li tla gu khurumetsa.

¹² Ana u ole yañ mo legorimoñ, Mophatsimi, moroa phepahalo ea mosho! u remecoe yañ ha hatse, uena eo o la a koahatsa merahe!

¹³ U lu ua re mo peluñ ea gago, ki tla tlatlogela kua magorimoñ, ki tla gorisetsa terone ea me gorimo ga linaleri tsa Morimo: ki tla rula mo thabeñ ha ntleñ tsa Noreta:

¹⁴ Ki tla tlatlogela kua magorimoñ a maru; ki tla na yaka Mogorimorimo.

¹⁵ Mi u holosericoe go bobipoñ, go lipholeñ tsa molete.

¹⁶ Ba ba gu bonañ ba tla gu señka, ba tla gu tlokomela, ba re, A eo ki monona eo o la a reketlisa lehatse; eo o la a tlakasetsa magosi;

¹⁷ Eo o la a riha lehatse yeotle bogareganaga, a senya metse ea yeona; eo o la a si ka a leseletsa bacuaroi ba gague go ea gae?

¹⁸ Likhosi tsa merahe, cotle tsa cona, li itelegela khalaleloñ, eñue le eñue mo tluñ ea eona.

¹⁹ Mi uena, u latliloe ka go sina phupu ea gago, yaka kala ea moila, u khurumericoe ka ba ba bolailoeñ, ba ba shoatliloeñ ka lerumo, ba ba hologelañ go mayeñ a molete; yaka serepa se se shobotloañ ka linao.

²⁰ Ga u kitla u kopañoa le cona mo phitloñ, ka u sentse hatse ya gago, u bolaile bathu ba gago: peu ea bashulatsi ga e kitla e umakoa ka bosakhutleñ.

²¹ Bakanyetsañ bana ba gague go gaileloa tsiamololo ea bo‐rabo; gore ba si ruloe ba rua lehatse, le go tlatsa lehatse yeotle ka metse.

²² Gone ki tla ba nanogela go bua Yehova oa lintua; mi ki tla khaola leina le masalela, moroa le moroa moroa go Babelona, go bua Yehova.

²³ Mi ki o riha boshua yoa noku le megobe ea metse: mi ki tla o heela ka loheelo loa tsenyego, go bua Yehova oa lintua.

²⁴ ¶ Yehova oa lintua o la a ikana, a re, Rure go tla na hela yaka ki ikaeletse; mi yaka ki ikaeletse, go tla tlomama yalo:

²⁵ Go phatlakanya Moasiria mo hatsiñ ya me, le go mo shobotla mo lithabeñ tsa me: eriha gona yokoe ea gague e tla tlogañ go bona, le melego oa gague o tla tlosioa mo maruliñ a bona.

²⁶ Boikaelelo yo ki yona yo bo ikae-lecoeñ mo lehatsiñ yeotle: mi atla se ki shona se se otlololecoeñ merahe eotle.

²⁷ Gone Yehova oa lintua o ikaeletse, mi e mañ eo o tla kaololañ? mi atla sa gague se otlolocoe, mi e mañ eo o tla se bosañ?

²⁸ ¶ Perofesho e, e le ea buioa ka ñuaga o Ahase khosi e le ea shua ka ona.

²⁹ U si itumele, uena Filiseta yeotle, ka tsamma e e gu beritseñ e robiloe: gone go tla coa nenebu mo mocoeñ oa noga, mi louñuo loa eona lo tla na noga ea molelo e e hohañ.

³⁰ Mi ba borure ba bahumanegi ba tla hula, le batloki ba tla itelega ka boikanyo: mi ki tla bolaea mocoe oa gago ka tlala, mi masalela a gago a tla bolaoa.

³¹ Uena khoro, u goe; uena motse, khayayega; uena Filiseta, u tlapologile gotle: gone mosi o coa Noreta, mi ga go kitla go na mokairi mo phuthegoñ tsa gague.

³² Mi go tla arayoañ baroñoi ba merahe? Ha Yehova a tlomamisetse Tsiona, mi bahumanegi ba bathu ba gague ba bona boicubelo mo go ona.