Yehoshue 20 - Bibela ea Boitsépho 1890 (Sechuana Tlhaping - Moffatt Bible)

KHAOLO 20.

¹ MI Yehova a bua le Yehoshue, a re,

² Bua le bana ba Yeserele, u re, Itaoleleñ metse ea botsabelo, e ki le ka bua ga eona ka Moshe:

³ Gore molaei eo o bolaileñ moñue ka timelo, le go bisa go itse, a tsabele gona: mi e tla na botsabelo go lona kaga moshulosetsi mari.

⁴ Mi eo o tla tsabelañ go moñue oa metse euo, a a eme ha moyakoñ oa khoro ea motse, a bue mahuku a gague mo tsebeñ tsa bagolu ba motse o; erehe gona ba mo iculelañ mo motseñ, ba mo naea helo, gore a nne nabo.

⁵ Mi ha moshulosetsi mari a mo khonatelela, a ba si tsenye molaei mo atleñ sa gague; ka a bolaile moñ ka ena ka go bisa go itse, a sa mo ile ka metla e e hetileñ.

⁶ Mi a a nne mo motseñ ouo e tsamaee a emele tsekisho ha pele ga kokoano, mi a a ne e tsamaee moperiseti eo mogolu, eo o tla nañ mo metseñ euo a shue: erehe gona molaei o ka boeañ a ea kua motseñ oa gague, le kua tluñ ea gague, kua motseñ o o o tsabileñ go ona.

⁷ ¶ Mi ba tsepha Kadesha oa Galilea mo thabeñ tsa Nafetala, le Shekema mo thabeñ tsa Eferaima, le Kireyata‐areba, o e leñ Heberona, mo thabeñ tsa Yuda.

⁸ Mi ba laolela Betsera mo bogareñganaga mo loboeñ, oa loco loa Rubene, le Ramota mo Gileada, oa loco loa Gade, le Golana mo Bashaneñ, oa loco loa Manase, metse e e kua boseyeñ yoa Yoredane ha eintleñ ea Iseta ea Yeriko.

⁹ Metse euo e le ea laoleloa bana ba Yeserele botle, le moeñ eo o tlolatlolañ mo go bona, gore go tsabele gona moñue le moñue eo o bolaeañ mothu ka timelo, gore a si shue ka eintla ea atla sa moshulosetsi mari, e tsamaee a eme ha pele ga kokoano pele.