Tshenolo 5 - Bibela ea Boitsépho 1890 (Sechuana Tlhaping - Moffatt Bible)

KHAOLO 5.

¹ MI ka bona buka mo atleñ sa gague eo o rutseñ mo seruloñ sa bogosi, e kuariloe mo teñ le kua ntle, mi e kanoe ka likano li seven.

² Mi ka bona moengele eo thata a bitsa ka koru e kholu, a re, Mañ eo o cuanetseñ go menolola buka, le go kanolola likano tsa eona?

³ Mi go si ope mo legorimoñ, le mo lehatsiñ, le kua tlatse ga lehatse eo o nonohileñ go menonola buka, le go leba mo go eona.

⁴ Mi ka lela segolu, gone go le go sa bonoe ope eo o cuanetseñ go menolola le go buisa buka, leha e le go leba mo go eona.

⁵ Mi moñue oa bagolu a ’nthaea, U si lele; bona, Tau ea loco loa Yuda, Mocoe oa ga Davide, e hentse go menolola buka, le go kanolola likano li seven tsa eona.

⁶ Mi ka bona, mi, bonañ, gabo go le ha gare ga serulo sa bogosi, le ha gare ga tse ri tserileñ li for, le ha gare ga bagolu, Kuana e eme yaka ekete e tlabiloe, e na le linaka li seven, le maitlo a seven, a e leñ Meoea e seven ea Morimo e e romecoeñ mo hatsiñ yeotle.

⁷ Mi a tla, a cula buka mo atleñ se se siameñ sa eo o rutseñ mo seruloñ sa bogosi.

⁸ Mi ka a sina cula buka, tse ri tserileñ li for, le bagolu ba tuente for ba oela ha pele ga Kuana, moñue le moñue oa bona a na le liharepa, le liñkhuana tsa gouda li tletse tse ri ñkhañ monate, tse e leñ merapelo ea baitsephi.

⁹ Mi ba opela sehela se sesha, ba re, U cuanetse go cula buka e, le go kanolola likano tsa eona; gone u lu u tlabiloe, mi u re rekololetse Morimo ka mari a gago mo tsikeñ cotle, le mo puoñ cotle, le mo bathuñ botle, le mo meraheñ eotle;

¹⁰ Mi u re rihile go Morimo oa rona go na likhosi le baperiseti; mi re tla busa yaka likhosi mo hatsiñ.

¹¹ Mi ka bona, mi ka utlua koru ea baengele ba le bantsi ka ntla cotle tsa serulo sa bogosi le tse ri tserileñ le bagolu; mi palo ea bona e le le ten thousanda ga ten thousanda, le lithousanda tsa lithousanda;

¹² Ba re, ka koru e kholu, Kuana e e tlabiloeñ e cuanetse go na le thata le lohumo, le botlale, le bonatla, le tlotlo, le khalalelo, le boitumelelo.

¹³ Mi tse ri bopiloeñ cotle, tse ri mo legorimoñ, le tse ri mo lehatsiñ, le tse ri kua tlatse ga lehatse, le tse ri mo teñ ga leoatle, le cotle tse ri mo go cona, ka li utlua, li re, Boitumelelo, le tlotlo, le khalalelo, le thata, a li ne go ena eo o rutseñ mo seruloñ sa bogosi, le go Kuana, ka bosina bokhutlo yotle.

¹⁴ Mi tse ri tserileñ li for, tsa re, Amena. Mi bagolu ba tuente‐for, ba oela ha hatse, mi ba obamela ena eo o tselañ ka bosina bokhutlo yotle.