Tshenolo 3 - Bibela ea Boitsépho 1890 (Sechuana Tlhaping - Moffatt Bible)

KHAOLO 3.

¹ MI kualela moengele oa ekelesia e e mo Saredise: Tse, li buioa ki eo o nañ le Meoea e seven ea Morimo, le naleri li seven: Kia itse tiho tsa gago, yaka u na le leina ya go tsela, mi u shule.

² Na tisho, mi thatahatsa lilo tse ri setseñ, tse ri iketleritseñ go shua; gone ki si ka ka bona tiho tsa gago li le botlalo ha pele ga Morimo.

³ Ki gona gopola kaha u cutseñ ua utlua ka gona, u go buluke, mi u tlabologe. Ki gona ha u sa rise, ki tla tla go uena yaka legoru, mi ga u kitla u itse oura o ki tla tlañ go uena ka ona.

⁴ Mi u na le maina a le manye mo Saredise, ba liaparo tsa bona ba si ka ba li leshuehatsa; mi ba tla tsamaea le ’na mo aparoñ tse ri cueu; gone ba cuanetse.

⁵ Eo o henyañ o tla apesioa yalo ka aparo tse ri cueu; mi ga ’nkitla ki tlosa leina ya gague mo bukeñ ea botselo, mi ki tla ipobola leina ya gague ha pele ga Rre, le ha pele ga baengele ba gague.

⁶ Eo o nañ le litsebe a a utlue tse Moea o li raeañ liekelesia.

⁷ Mi kualela moengele oa ekelesia ea Filadelefia: Tse, li buioa ki eo o leñ boitsepho, eo o leñ boamarure, eo o nañ le sekopelo sa ga Davide, eo o bulañ, mi ga go ope eo o cualañ; mi oa cuala, mi ga go ope eo o bulañ;

⁸ Kia itse tiho tsa gago; bona, ki gu neile moyako o o buriloeñ ha pele ga gago, mi ga go ope eo o ka o cualañ; gone u na le thata e e potlana, mi u bulukile lehuku ya me, mi ga ua ka ua latola leina ya me.

⁹ Bona, ki tla gu naea bañue ba senagoge sa ga Satane, ba ba reñ, ki Bayudi, me e si bona, mi ba aka; bona, ki tla ba riha go ea go obamela ha pele ga nao tsa gago, le go itse ha ki gu ratile.

¹⁰ Gone u bulukile lehuku ya bopelutelele yoa me, le ’na ki tla gu buluka mo oureñ oa thaelo, o o tla nnañ mo hatsiñ yeotle, go leka ba ba agileñ mo lehatsiñ.

¹¹ Bona, kia tla ka bonako; tsegetsa se u nañ nasho, gore go si ne ope eo o culañ seroalo sa bogosi sa gago.

¹² Eo o henyañ, ki tla mo riha go na pilara mo tempeleñ ea Morimo oa me, mi ga a kitla a tlola a coa gona; mi ki tla kuala mo go ena leina ya Morimo oa me, le leina ya motse oa Morimo oa me, eboñ Yerusalema o mosha, o o hologañ mo legorimoñ kua Morimoñ oa me; mi ki tla kuala leina ye lesha ya me.

¹³ Eo o nañ li litsebe, a a utlue tse Moea o li raeañ liekelesia.

¹⁴ Mi kualela moengele oa ekelesia ea Laodikea: Tse, li buioa ki Amena, moshupi oa boikanyo le boamarure, le tsimologo ea popo ea Morimo:

¹⁵ Kia itse tiho tsa gago, ka u si letseriri, leha e le mogote; kia eletsa ua bo u le letseriri khotsa mogote.

¹⁶ Ki gona ka u le mothitho, u si letseriri, khotsa mogote, ki tla gu tlatsa mo molomoñ oa me.

¹⁷ Gone ua re, Ki humile, ka humisioa segolu, mi ga ki tloke sepe; mi ga u itse ha u le bohutsana, le boutluisa‐botluku, le khumanego, le bohohu, le bosaikatega;

¹⁸ Kia gu gakolola, gore u reke mo go ’na gouda eo o lekiloeñ, eo o coañ mo moleloñ, gore u hume; le aparo tse ri cueu, gore u apesioe, gore litloñ tsa bosaikatega yoa gago li si senoge; mi tsasa maitlo a gago ka tsasho ea maitlo, gore u bone.

¹⁹ Leha e le mañmañ eo ki mo ratañ, kia muela, le go mo oatlaea; ki gona tloahala, u tlabologe.

²⁰ Bona, ki eme ha moyakoñ, mi ki khuanyakhuanya; ha moñue a tla utlua koru ea me, a bula moyako, ki tla tsena go ena, mi ki tla ya selalelo nae, le ena le ’na.

²¹ Eo o henyañ ki tla mo naea go lula le ’na mo seruloñ sa bogosi sa me, yaka ki hentse, mi ki rutse le Rre mo seruloñ sa bogosi sa gague.

²² Eo o nañ le litsebe, a a utlue tse Moea o li raeañ liekelesia.