Tito 2 - Bibela ea Boitsépho 1890 (Sechuana Tlhaping - Moffatt Bible)

KHAOLO 2.

¹ MI, uena, bua lilo tse ri cuanetseñ thuto e e horileñ;

² Gore banona ba bagogaie ba ne tekano, bopelunomi, le tsisimogo, le mo tumeloñ e e horileñ, le mo loratoñ, le mo bopeluñtelele.

³ Le basari ba bagogaie le bona gore ba ne mo tsamaoñ e e cuanetseñ baitsephi, esiñ bakhari, esiñ go inela boyaloeñ yo bogolu, a ba ne baruti ba lilo tse ri molemo;

⁴ Gore ba rute basari ba meroba go na tekano, le go rata banona ba bona, le go rata bana ba bona,

⁵ Go na botlale, le boitseko, le go buluka ntlu, le go na molemo, le go utlua banona ba bona, gore lehuku ya Morimo le si khaloe.

⁶ Makau le aona u a kaele go na tekano.

⁷ U icupe u le sekao sa tiho tse ri molemo mo liloñ cotle, le bosapekoa mo thutoñ, le bopelunomi, le tsiamo,

⁸ Ka lehuku ye le horileñ ye le sa kakeñ ya latloa, gore eo o le ganetsañ a tlayoe ki litloñ, ka a sina sepe sa boshula go se bua ga gago.

⁹ Batlañka u ba kaele go utlua beñ ba bona, go ba khatla mo liloñ cotle; esiñ go ganela;

¹⁰ Esiñ go senya, mi a ba shupe boikanyo yotle yo bo molemo; gore ba khabise thuto ea Morimo Morebuluki mo liloñ cotle.

¹¹ Gone tsegohaco ea Morena e e bulukañ e phatsimetse bathu botle,

¹² Mi e ruta, gore re tlogele boikepo le likhatlego tsa lehatse, le go tsela ka boikanyo, le tsiamo, le poihomorimo mo hatsiñ yenu;

¹³ Ka go lebelela culuhelo e e tsegoharicoeñ, le ponatsego ea khalalelo ea Morimo o mogolu, le ea Morebuluki Yesu Keresete;

¹⁴ Eo o re ineletseñ, gore a re rekolole mo tsiamololoñ cotle, le go itsephisetsa bathu ba sele go ena, ba ba tloahalañ mo tihoñ tse ri molemo.

¹⁵ U bue tse, mi u kaele, mi u buele ka taolo eotle. A go si ne ope eo o gu nyatsañ.