Ruthe 2 - Bibela ea Boitsépho 1890 (Sechuana Tlhaping - Moffatt Bible)

KHAOLO 2.

¹ MI Naome a na le tsala ea monona oa gague ea mari, senatla sa lohumo, oa sika loa Elimeleke; mi leina ya gague e le le Boase.

² Mi Rute oa Semoaba, a raea Naome, A ko ’me ki ee mo leoteñ go ronopa ako tsa mabele, morago ga gague eo ki tla bonañ tsalano mo maitloñ a gague. Mi a mo raea, Moroariaka, ea.

³ Mi a ea a hitla, mi a ronopa mo leoteñ morago ga barobi: mi ga mo rihalela go na ha eintleñ ea leota ya Boase, eo e leñ oa sika loa Elimeleke.

⁴ Mi bonañ, Boase a coa Beta‐lehema, mi a raea barobi, A Yehova a ne le lona. Mi ba araba, A Yehova a gu tsegahatse.

⁵ Mi Boase a raea lekau ya gague, ye le laorisioañ barobi ba gague, Moroetsana eo, oa mañ?

⁶ Mi lekau ye le laorisioañ barobi ya araba ya re, Eo ki moroetsana oa Semoaba, eo o ruleñ le Naome mo hatsiñ ya Moaba:

⁷ Mi o la a re, A ko ’me ki ronope, ki kokoanye morago ga barobi mo liñateñ: mi o tsile yalo, mi a ema go simolola ka ka mosho le go yana, mi yana a tlola gole gonye mo tluñ.

⁸ Ereha gona Boase o raeañ Rute, Moroariaka a gu utlue? U si ee go ronopa mo leoteñ le sele, le gona u si coe monu, mi u ñaparele baroetsana ba me:

⁹ A maitlo a gago a ne mo leoteñ ye ba le robañ, mi u ba sale morago; a ga kia ka ka laola makau gore ba si gu ame? mi ha u nyoroa, u ee go liñkhoñ, u noe ga se makau a se gileñ.

¹⁰ Mi o oela ka hatlogo sa gague, mi a ikobela ha hatsi, mi a mo raea, Ki bonye tsalano mo maitloñ a gago yañ, ka u ’nñoka ki le moeñ?

¹¹ Mi Boase a araba a mo raea, Ki bulelecoe rure cotle tse u lu ua li rihela matsalago, morago ga loshu loa monona oa gago: le kaha u tlogetseñ rago le mago, le lehatsi ya botsalelo yoa gago, mi ua tla mo bathuñ, ba u lu u si ka ua ba itse pele.

¹² A Yehova a gu ruelele tiho ea gago, mi a tuelo e e tletseñ u e neoe ki Yehova Morimo oa Bayeserela, eo phuka tsa gague u tsileñ go ikanya go cona.

¹³ Mi a re, Muñoaka, a ki bone tsalano mo maitloñ a gago, ka u ’nkho-moritse, ka u buile le lelata ya gago ka kobisho pelu, leha ki sa cuane le leñue ya malata a gago.

¹⁴ Mi Boase a mo raea, ka baka loa go ya, Atamela kuanu, mi u ye ga señkhue, mi u ine thathana ea gago mo boyaloeñ yo bo berileñ. Mi a lula le barobi: mi a mo naea mabele a a besicoeñ, mi a ya a khora, a sarisa.

¹⁵ Mi ka a nanoga go ronopa, Boase a laola makau a gague, a re, A a ronope le mo liñateñ, mi si mo tlabiseñ litloñ:

¹⁶ Mi le gona mo latleleñ ka bomu mañuenyana lo a tlogele, gore a a ronope, mi lo si mo khobe.

¹⁷ Mi a ronopa mo leoteñ go ea matsiboeeñ, mi a phota se o se ronopileñ: mi ekane e le le efa ea barele.

¹⁸ ¶ Mi a se cula a ea kua motseñ: mi matsalague a bona se o se ronopileñ: mi le gona a entsa se se setseñ sa khoro ea gague, a se mo naea.

¹⁹ Mi matsalague a mo raea, U ro-nopile kae ka yenu? mi u rihile kae? a go tsegaharioe eo o gu ñokileñ. Mi a kakanyetsa matsalague eo, o rihileñ ha go ena, a re, Leina ya monona eo ki rihileñ ha go ena ka yenu ki Boase.

²⁰ Mi Naome a raea ñuetsi oa gague, Go tsegaharioe Yehova eo o sa tlogelañ go tsalana le batseri le bashui. Mi Naome a mo raea, Monona eo ki tsala e e gauhe le rona, moñue oa barekolori ba rona.

²¹ Mi Rute oa Semoaba a re, Le gona a ’nthaea, U ñaparele baroetsana ba me, e tsamaee ba uetse thobo eotle.

²² Mi Naome a raea Rute ñuetsi oa gague, Moroariaka, goa gu lemohalela go ea le baroetsana ba gague, gore ba si gu khatlane mo leoteñ le sele.

²³ Mi a ñaparela baroetsana ba Boase go ronopa go ea kua khutloñ sa thobo ea barele, le sa thobo ea mabele: mi a nna le matsalague.