Moreri 3 - Bibela ea Boitsépho 1890 (Sechuana Tlhaping - Moffatt Bible)

KHAOLO 3.

¹ SEÑUE le señue se na le motla oa shona, mi boikaelelo boñue le boñue bo na le motla oa yona tlatse ga legorimo:

² Motla oa go tsaloa, le motla oa go shua; motla oa go tloma, le motla oa go khumola se se tlomiloeñ;

³ Motla oa go bolaea, le motla oa go horisa; motla oa go thuba, le motla oa go aga:

⁴ Motla oa go lela, le motla oa go tsega: motla oa go hutsahala, le motla oa go bina:

⁵ Motla oa go latla maye, le motla oa go rora maye: motla oa go tlamparela, le motla oa go na khakala le tlamparelo:

⁶ Motla oa go batla, le motla oa go latlega; motla oa go buluka, le motla oa go latla:

⁷ Motla oa go gagola, le motla oa go roka; motla oa go ririmala, le motla oa go bua;

⁸ Motla oa go rata, le motla oa go ila; motla oa tlabano, le motla oa kagisho.

⁹ Eo o rihañ o na le temohalelo eñ mo go se o se khokholelañ.

¹⁰ Ki bonye khokholelo e Morimo o e neileñ bana ba bathu go khokhole-rioa ka eona.

¹¹ O rihile señue le señue seiñtle mo motleñ oa shona; le gona, o beile bosakhutleñ mo peluñ tsa bona, ha bo sieo, mothu ga a kake a itse tiho e Morimo o e rihileñ, mo tsimologoñ go ea kua bokhutloñ.

¹² Kia itse ha go sina molemo mo go cona, bogolu go mothu ha a ka itumela, le go riha molemo mo tseloñ yoa gague.

¹³ Le gona, gore mothu moñue le moñue a ye a noe, le go bona molemo oa khokholelo eotle ea gague ki neo ea Morimo.

¹⁴ Kia itse ha cotle tse Morimo o li rihañ, li tla na ka bosakhutleñ: ga li kake tsa okocololoa: mi Morimo o riha yalo, gore bathu ba boihe ha pele ga ona.

¹⁵ Se se le se leeo, seeo yana; mi se se tla nañ, se le se leeo; mi Morimo o batla se se lelekiloeñ.

¹⁶ Gape, ka bona tlatse ga letsatsi, helo ga tsiamisho, mi boikepo bo le bo le gona; le helo ga tsiamo, mi tsiamololo e le e le gona.

¹⁷ Ka re mo peluñ ea me, Morimo o tla siamisa mosiami, le moikepi: gone go le motla oa boikaelelo boñue le boñue, le oa tiho eñue le eñue.

¹⁸ Ka re mo peluñ ea me kaga popego ea bana ba bathu, gore Morimo o ko o ba senositse, le gore ba bone ha ba cuana le lipholoholo ka bosi.

¹⁹ Gone se se rihalelañ bana ba bathu, se rihalela le cona likhomu; mi tihalo e le eñue e rihalela bona le cona: yaka ba shua, le cona li shua, mi ba na le moea moñue hela le cona; mi mothu ga a na bonatla bope bogolu go likhomu: gone cotle ki boithamako.

²⁰ Gotle go ea kua heloñ go le goñue; gotle go coa mo mbuñ, mi gotle go boela kua mbuñ.

²¹ Go itse mañ meoea ea bana ba bathu e e tlatlogelañ kua gorimoñ, le meoea ea likhomu e e hologelañ hatseñ kua tlatse?

²² Ki gona ki lemogañ ha go si sepe sa molemo mo mothuñ bogolu go go itumela mo tihoñ tsa gague; gone e ki kabelo ea gague: gone e mañ eo o tla mo lereñ gore a bone se se tla nañ hularoñ sa gague?