Mareko 5 - Bibela ea Boitsépho 1890 (Sechuana Tlhaping - Moffatt Bible)

KHAOLO 5.

¹ MI ba tselela kua boseyeñ yoa leoatle, kua hatsiñ ya Gadarina.

² Mi ka a coa mo shepeñ a khatlantsioa ka bonako ki monona eo o nañ le moea o o mashue, eo o coañ mo liphupuñ,

³ Eo boago yoa gague bo leñ mo liphupuñ; mi gabo go si ope eo o ka mo golegañ, le esiñ ka liketen;

⁴ Gone a la a golegiloe ka gantsi ka mehiri le liketen, mi liketen a li komoganya, mi mehiri a e thubaganya, mi gabo go si ope eo o ka mo khoabohatsañ.

⁵ Mi o la a na mo lithabeñ, le mo liphupuñ ka tsatsi le bosigo, a bitsa, a itsegaka ka makhethu.

⁶ Mi ka a bonela Yesu khakala, a taboga a mo obamela;

⁷ Mi a bitsa ka koru e kholu, mi a re, Ki rihañ le uena, Yesu Moroa Morimo, oa bogorimo yo bogolu! Kia gu ikanisa ka Morimo, gore u si ’nkutluise botluku.

⁸ Gone a o raea, Uena moea o mashue, coa mo mononeñ eo.

⁹ Mi a o botsa, Leina ya gago e mañ? Mi oa araba, oa re, Leina ya me, ki Ligione, gone re bantsi.

¹⁰ Mi oa mo rapela thata, gore a si o romele go coa mo hatsiñ ye.

¹¹ Mi gabo gole serapa sa likolobe se segolu se hula mo lithabeñ.

¹² Mi bademona botle ba mo rapela, ba re, Re romele kua likolobeñ, gore re tsene go cona.

¹³ Mi Yesu a akoha a ba leseletsa, mi meoea e mashue ea coa, mi ea tsena mo likolobeñ, mi serapa sa khokologela ka logaga mo leoatleñ; mi li kane li le tu thousanda; mi tsa hupela mo leoatleñ.

¹⁴ Mi ba ba risañ likolobe ba tsaba, mi ba bulela tse rintseñ yalo mo motseñ le mo hatsiñ; mi ba coa ba ea go bona se se rihahetseñ.

¹⁵ Mi ba ea go Yesu, mi ba bona eo o la a cueroe ki modemona a rutse, a apere, mi a le mo tlaloganyoñ e e horileñ ea gague, eboñ ena eo o la a na le ligion; mi ba boiha.

¹⁶ Mi ba ba bonyeñ ba ba bulelela kaha go rihahetseñ ka gona, go eo o la a cueroe ki modemona, le ga likolobe.

¹⁷ Mi ba simolola go mo rapela, gore a coe mo lithokoñ tsa bona.

¹⁸ Mi ka a tsena mo shepeñ, eo o la a coeroe ki modemona a mo rapela gore a ne nae.

¹⁹ Mi Yesu a si ka a mo leseletsa, mi a mo raea, Ea kua tluñ ea gago, le go ba gago, mi u ba bulelele lilo tse ri kholu tse Morena o ri gu rihetseñ, le kaha o gu utluetseñ botluku ka gona.

²⁰ Mi a ea a simolola go bulela mo hatsiñ ya Dekapoli lilo tse li kholu tse Yesu o li mo rihetseñ, mi botle ba gakhamala.

²¹ Mi ka Yesu a ba a tselela kua bosiyeñ ka shepa, bontsi yo bogolu yoa mo kokoanela, mi a le ha leoatleñ.

²² Mi bonañ ga tla molaori moñue oa senagoge, eo o birioañ Yario, mi ka a mona a oela ha naoñ tsa gague,

²³ Mi a mo rapela thata, a re, Moroariake eo motlana o iketleritse go shua; kia gu rapela, ntlo, u mo latse atla tsa gago, gore a hole, mi o tla tsela.

²⁴ Mi a ea nae, mi bontsi yo bogolu yoa mo sala morago, mi yoa mo pitlaganya.

²⁵ Mi mosari moñue eo o la a na le kelelo ea mari ka linyaga li tuelev,

²⁶ Mi a bogile bogolu ki liñaka li lintsi, mi a nela cotle tsa gague, mi a si ka a bona phorisho epe, mi a keketsega bogolu;

²⁷ Eo ka a utlua ga Yesu, a tsena mo bontsiñ kua morago, mi a ama aparo sa gague.

²⁸ Gone a re, Ekare ha ’nka ama liaparo tsa gague, ki tla hola.

²⁹ Mi mocoeri oa mari oa gague oa khala ka bonako, mi a ikutlua mo meleñ oa gague ha a horisicoe mo pecoñ e.

³⁰ Mi ka Yesu a akoha a ikutlua ha thata e rule mo go ena, a retologa mo bontsiñ, a re, Liaparo tsa me li amiloe emañ?

³¹ Mi barutoa ba gague, ba mo raea, Ua bona ha bontsi bo gu pitlagantse, mi a ua re, Ki amiloe emañ?

³² Mi a leba go bona eo o rihileñ seuo.

³³ Mi mosari a boiha, a roroma, gone a itse se o se rihecoeñ, a tla a oela ha pele ga gague, a mulelela boamarure yotle.

³⁴ Mi a mo raea, Moroariaka, tumelo ea gago e gu bulukile, ea ka kagisho, mi u hole mo pecoñ ea gago.

³⁵ Ka a sa bua ga tla bañue ba coa mo tluñ ea molaori oa senagoge, ba re, Moroariu o shule, u sa lapisetsañ moruti?

³⁶ Mi ka Yesu a sa utlua huku ye le builoeñ, a raea molaori oa senagoge ka bonako, U si boihe, rumela hela.

³⁷ Mi a si ka a leseletsa ope go mo sala morago, ha e si Petero, le Yakobo, le Yohane, monna Yakobo.

³⁸ Mi a ea kua tluñ ea molaori oa senagoge, mi a bona kuruego, le bona ba ba lelelañ, ba lela segolu.

³⁹ Mi ka a tsena, a ba raea, Lo huruegelañ yalo lo lela? ñuana ga a shua; o robetse.

⁴⁰ Mi ba mo ñoñola. Mi erile a sina ba ntsetsa ntle botle, a cula ra ñuana le mague, le bona ba ba nañ nae, mi a tsena ha ñuana a letseñ gona.

⁴¹ Mi a cuara ñuana ka seatla, mi a mo raea, Talita kumi, ki go re, mo phetoleloñ, Moroetsana, kia gu raea, coga.

⁴² Mi moroetsana a coga ka bonako, mi a tsamaea, gone a la le nyaga li tuelev; mi ba gakhamala ka khakhamalo e kholu.

⁴³ Mi a ba laola thata, gore go si itse ope seuo, mi a laola gore señue a se neoe go ya.