Mareko 3 - Bibela ea Boitsépho 1890 (Sechuana Tlhaping - Moffatt Bible)

KHAOLO 3.

¹ MI a ba a tsena mo senagogeñ; mi gabo gole mothu gona, eo o nañ le atla se se omeletseñ;

² Mi ba mo lepa, ha a tla mo horisa ka Sabata, gore ba mo sekise.

³ Mi a raea monona eo o nañ le atla se se omeletseñ, Tloga u eme ha gare.

⁴ Mi a ba raea, A ki taolo go riha molemo ka tsatsi ya sabata, khotsa go riha boleo? Go buluka botselo, khotsa go bolaea? Mi ba ririmala.

⁵ Mi ka a sina ba leba botle ka bogale, a hutsahaletse bohohu yoa pelu tsa bona, a raea monona, Ntsa atla sa gago, mi a se ntsa, mi seatla sa gague sa hola, sa cuana le se señue.

⁶ Mi ka Bafarisai ba coa, ba akoha ba gakololana le Baherodi kaga gague, kaha ba ka molaeañ ka gona.

⁷ Mi Yesu a hurugela le barutoa ba gague kua leoatleñ, mi bontsi yo bogolu yoa Galilea, le Yuda, yoa mo sala morago;

⁸ Le ba Yerusalema, le ba Idumea, le ba moseya oa Yoridane, le ba ba mo lithokoñ tsa Tsura, le Tsidona, e le le bontsi yo bogolu, ka bo sina utlua lilo tse ri kholu tse o ri rihañ, yoa tla go ena.

⁹ Mi a raea barutoa ba gague, gore shepana se mo lete, ka ntla ea bontsintsi, gore ba si mo pitlaganye;

¹⁰ Gone a horisitse bontsi, ga tsamaea bona botle ba ba nañ le maloetse ba mo culogela, gore ba mo ame.

¹¹ Mi ka meoea e e mashue e mona, ea oela ha pele ga gague, ea bitsa, ea re, U Moroa Morimo.

¹² Mi a ba laola thata, gore ba si mo utluatse.

¹³ Mi a tlatlogela mo thabeñ, mi a biletsa go ena ba o ba ratañ; mi ba ea go ena.

¹⁴ Mi a laolela ba tuelev, gore ba ne nae, gore a tle a ba rome go rera,

¹⁵ Le go na le thata go horisa maloetse, le go khoromeletsa ntle bademona.

¹⁶ Mi Simone, a mo okeletsa leina ya Petero.

¹⁷ Mi Yakobo moroa Sebedaio, le Yohane monna Yakobo, a ba okeletsa maina, Boanere, ki go re, Bomoroa tumo ea maru.

¹⁸ Mi Anderea, le Filipo, le Baretolomea, le Mataio, le Tome, le Yakobo moroa Alefaio, le Tadaio, le Simone oa Mokanani;

¹⁹ Le Yuda Isekariota, eboñ eo o mo okileñ.

²⁰ Mi ba tsena mo tluñ, mi ga ba ga phuthega bontsi, ga tsamaea ba reteleloa ki go ya senkhue.

²¹ Mi ka litsala tsa gague li utlua mouo, tsa ea go mo cuara; gone li re, Oa tsenoa.

²² ¶ Mi bakuari ba ba coañ kua Yerusalema, ba re, O na le Belesebule, mi oa khoromeletsa ntle bademona ka mogolu oa bademona.

²³ Mi a ba biletsa go ena, mi a ba raea ka licuanco, Satane o ka khoromeletsa ntle Satane yañ?

²⁴ Mi ha bogosi bo ikhaoganye, bogosi yo, ga bo kake yoa ema.

²⁵ Mi ha ntlu e ikhaoganye, ntlu e ga e kake ea ema.

²⁶ Mi ha Satane a icogela, a khaogañoa, ga a kake a ema, mi o na le sekhutlo.

²⁷ Ga go ope eo o ka tsenañ mo tluñ ea monona eo o thata, a thopa lilo tsa gague, ha a sa golege eo o thata pele; eriha gona o ka thopañ lilo tsa ntlu ea gague.

²⁸ Amarure kia lo raea, Libe tsa bana ba bathu cotle li tla icuareloa, le likhalo tse ba tla khalañ ka cona;

²⁹ Mi leha e le mañmañ eo o tla khalañ Moea oa Boitsepho, ga a na boicuarelo ka bosina bokhutlo, mi o na le molatu oa tsekisho e e sa khutleñ.

³⁰ Gone ba re, O na le moea o o mashue.

³¹ ¶ Eriha gona go tlañ mague le bomonnaue, ba ema kua ntle, ba laetsa go mitsa.

³² Mi bontsi bo mo rikanyeritse, mi yoa mo raea, Bona, mago le bomonnau ba kua ntle, ba gu batla.

³³ Mi a ba araba, a re, Mme e mañ, khotsa bonnake e bo mañ?

³⁴ Mi ka a leba ba ba mo rikanyeritseñ, a re, Bonañ mme, le bonnake!

³⁵ Gone leha e le mañmañ eo o rihañ go rata ga Morimo, eouo e le ’nnake, le khantsariake, le mme.