Mareko 15 - Bibela ea Boitsépho 1890 (Sechuana Tlhaping - Moffatt Bible)

KHAOLO 15.

¹ MI eare go sa le mosho, baperiseti ba bagolu ba gakololana, le bagolu, le bakuari, le baseki botle; mi ba golega Yesu, ba mo isa, ba mo nela Pilato.

² Mi Pilato a motsa, A u khosi ea Bayuda? Mi a araba, a mo raea, U buetse rure.

³ Mi baperiseti ba bagolu, ba mo pateletsa ka lilo rintsi; mi a si ka a araba sepe.

⁴ Mi Pilato a ba a motsa, a re, A ga u arabe sepe? Bona lilo tse lintsi tse ba li shupañ kaga gago.

⁵ Mi Yesu a si ka a tlola a araba, ga tsamaea Pilato a gakhamala.

⁶ Mi erile go le moriho a ba gololela mogolegoi moñue, eo ba mo eletsañ.

⁷ Mi gabo gole moñue eo o birioañ Baraba, eo o golegiloeñ le bahurui ba bañue, eo o rihileñ polao mo khuruegoñ.

⁸ Mi bontsi yoa bitsa, yoa simolola go eletsa gore a rihe kaha o la a tla a ba rihela ka gona.

⁹ Mi Pilato a ba araba, a re, A lo rata ka lo gololela khosi ea Bayuda?

¹⁰ Gone a itse, baperiseti ba bagolu ba mo neile ka kilo.

¹¹ Mi baperiseti ba bagolu ba tlotleletsa bontsi, gore bogolu a bo gololele Baraba.

¹² Mi Pilato a araba, a ba a ba raea, Mi lo rata ka mo rihelañ, eo lo mitsañ Khosi ea Bayuda?

¹³ Mi ba ba ba bitsa, Mapole.

¹⁴ Mi Pilato a ba raea, Ana o leohileñ? mi ba bitsa bogolu bogolu, Mapole.

¹⁵ ¶ Mi Pilato ka a rata go khatla bontsi, a bo gololela Baraba; mi a ra sina betsa Yesu, a mo nela go bapoloa.

¹⁶ Mi batlabani ba mo gogela mo tluñ e e birioañ Peratorio; mi ba biletsa leshomo yeotle gona.

¹⁷ Mi ba mo apesa ka porepura, mi ba loga seroalo so mitlua, mi ba se mo roesa mo tlogoñ.

¹⁸ Mi ba simolola go mo rumerisa, ba re, He, rumela, khosi ea Bayuda.

¹⁹ Mi ba mo gatla ka lotlaka mo tlogoñ, mi ba mo khuela mathe, mi ba oa ka mañuole, ba mo obamela.

²⁰ Mi ka ba sina mo shotla, ba mo apola seaparo sa porepura; mi ba mo apesa ka aparo tsa gague, mi ba mo gogela kua ntle go mapola.

²¹ Mi ba khola moñue, ki Simone oa Kurene, ka a heta ka gona, a coa kua nageñ, eo e le le rra Alekandero, le Roufo, gore a kabe mokhoro oa gague.

²² Mi ba mo lere go heloñ ga Golegota, ki gore mo phetoleloñ, Helo ga logata.

²³ Mi ba mo naea boyaloa yo bo pekancoeñ le mera go bo noa; mi a si ka a bo cula.

²⁴ Mi ka ba sina mapola ba abalana liaparo tsa gague, ka go tsela likelero, gore moñue le moñue a itse se o se tsaeañ.

²⁵ Mi e le le oura oa bo‐teri, ka ba mapola.

²⁶ Mi sekualo sa kaha o bolaoañ ka gona, sa bo se kuariloe gorimo ga gague, KHOSI EA BAYUDA.

²⁷ Mi ba bapola linokuane li tu nae, señue mo atleñ sa gague se se siameñ, mi se señue mo go sa molema.

²⁸ Mi lokualo loa rihala lo lo reñ, Mi o la a balecoe le batlori.

²⁹ Mi ba ba hetañ ba mo khala, ba thukhutha tloga tsa bona, ba re, Au! uena eo o rutlañ tempela, u e age ka malatsi a teri,

³⁰ Ipuluke, mi u hologe mo mokhoroñ.

³¹ Gontse yalo le bona baperiseti ba bagolu, le bakuari, ba shotla, mi ba rana, O la a buluka ba bañue, ena ga a kake a ipuluka.

³² A Keresete, khosi ea Yeserela, e hologe yana mo mokhoroñ, gore re bone, re rumele; le ba ba bapocoeñ nae ba mo khoba.

³³ Mi ka oura oa bo‐sekes o sina tla, ga na lehihi mo lehatsiñ yeotle, go ea oureñ oa bo‐naen.

³⁴ Mi eare ka oura oa bo‐naen Yesu a bitsa ka koru e kholu, a re, Eloi, Eloi, lama sabakatani? ki go re mo phetoleloñ, Morimo oa me, Morimo oa me, u ’nteseleritseñ?

³⁵ Mi bañue ba bona ba ba emeñ gona, ka ba utlua, ba re, Bonañ, oa bitsa Eliyahue.

³⁶ Mi moñue a taboga a ina ñami mo boyaloeñ yo bo berileñ, mi a e tlomela ka lotlaka, mi a mo naea go noa, a re, Lesañ, re bone ha Eliyahue a tla tla go mo pagolola.

³⁷ Mi Yesu a bitsa ka koru e kholu, mi a nela moea.

³⁸ Mi sebipo sa tempela sa hatoga ka bogare, kua gorimo go ea kua tlatse.

³⁹ ¶ Mi ka mosenturi eo o la a eme go lebagana le ena, a bona ka a biritse, mi a netse moea yalo, a re, Amarure mothu eo e le le Moroa Morimo.

⁴⁰ Mi le gona gabo gole basari ba ba bonelañ tseuo khakala; mo go ba, gabo gole Marie Magadaline, le Marie ’ma Yakobo eo motlana, le oa Yose, le Salome;

⁴¹ Ba, le bona ba le ba mo sala morago ka a le mo Galilea, ba mo rihela, le bañue bantsi ba ba le ba tla le ena mo Yerusalema.

⁴² ¶ Mi yana ka go na mabanyane, ka e le le iketleco, ka go le lotlatlana loa Sabata,

⁴³ Yosefe, oa Arematea, e le mogakolori oa tlotlo, eo le ena o lebelelañ pusho ea Morimo, a tla ka bopelukhale go Pilato, a lopa mele oa ga Yesu.

⁴⁴ Mi Pilato a gakhamala ha a shule, mi a bitsa mosenturi, a motsa ha a sibolo go shua.

⁴⁵ Mi ka a sina itsisioe ki mosenturi, a nela Yosefe mele.

⁴⁶ Mi a reka lene, a mo pagolola, a mo phuthela mo leneñ, mi a mo latsa mo lecueñ ye le betliloeñ mo hikeñ, a hirikela leincue mo moyakoñ oa phupu.

⁴⁷ Mi Marie Magadaline, le Marie ma Yose, ba bo ba bona kua o larioañ gona.