Mareko 14 - Bibela ea Boitsépho 1890 (Sechuana Tlhaping - Moffatt Bible)

KHAOLO 14.

¹ MI morago ga malatsi a tu e le le moriho oa Tlolaganyo, le oa señkhue se se sa berisioañ; mi baperiseti ba bagolu, le bakuari ba batla kaha ba ka mo cuarañ go molaea ka gona ka koko.

² Mi ba re, Esiñ mo morihoñ, gore e si re khotsa ga na tlapeo mo bathuñ.

³ ¶ Mi ka a le mo Betania, mo tluñ ea ga Simone moleperoi, ka a rutse ha lomatiñ, ga tla mosari a na le segoana sa alebasetara, sa setlolo sa narido se se sa pekoañ, se se thata go rekoa; mi ka a sina thuba segoana sa alebasetara, a se tsela mo tlogoñ ea gague.

⁴ Mi gabo gole bañue mo go bona ba ba gakatsegileñ ba re, Tsenyo ea setlolo se, ki eañ?

⁵ Gone se kabo se baparicoe ka bogolu go denari li teri hundereda, mi li kabo li neiloe bahumanegi; mi ba mo ñoñoregela.

⁶ Mi Yesu, a re, Mo leseñ, lo mo cuenyetsañ? o ’ntihetse tiho e e molemo.

⁷ Gone lo na le bahumanegi mo go lona ka gale, mi lo ka ba rihela molemo ka motla o lo ratañ go ba rihela ka ona; mi ’na, ga lo na le ’na ka gale.

⁸ O rihile kaha o ka rihañ ka gona; o tlile pele go tloletsa phitlo mele oa me.

⁹ Amarure kia lo raea, Kua evangelio e, e tla reroañ gona mo hatsiñ yeotle, le gona go tla buleloa gona se mosari eo, o se rihileñ, go mo gopola ka shona.

¹⁰ ¶ Mi Yuda Isekariota, moñue oa batuelev, a ea go baperiseti ba bagolu, gore a mo ba okele.

¹¹ Mi ka ba utlua yalo, ba itumela, mi ba mo raea, ba tla mo naea lireko. Mi a batla go mo oka, ka lobaka lo o ka mo okañ ka lona.

¹² ¶ Mi ka tsatsi ya ntla ya señkhue se se sa berisioañ ka Tlolaganyo e tlayoa, barutoa ba gague ba mo raea, U rata ra ea kae go etleletsa, gore u ye Tlolaganyo?

¹³ Mi a roma ba tu ba barutoa ba gague, a ba raea, Eañ mo motseñ, mi monona o tla lo khatlantsa, a roele nkho ea metse; mo saleñ morago;

¹⁴ Mi kua o tla tsenañ gona, raeañ muñ oa ntlu, Moruti a re, Ntlu ea go yela e kae, kua ki tla yelañ Tlolaganyo gona le barutoa ba me?

¹⁵ Mi o tla lo bontsa ntlu e e kholu ea gorimo, e e bakancoeñ; re bakanyeletseñ gona.

¹⁶ Mi barutoa ba gague ba coa, mi ba ea mo motseñ, mi ba bona yaka a ba kaetse; mi ba bakanya Tlolaganyo.

¹⁷ Mi eare ka go na mabanyane, a tla le ba tuelev.

¹⁸ Mi ka ba rutse, ba ya, Yesu a re, Amarure kia lo raea, Moñue oa lona, eo o yañ le ’na, o tla ’nkoka.

¹⁹ Eriha gona ba simololañ go hutsahala, le go mo raea, moñue le moñue, a re, A ki ’na? le eo moñue, a re, A ki ’na?

²⁰ Mi a araba a ba raea, E le moñue oa ba tuelev, eo o inañ le ’na mo mogocaneñ.

²¹ Moroa mothu o ea rure yaka go kuariloe ga gague; mi go latlega mothu eo Moroa mothu o okoañ ki ena; go kabo gole molemo ha mothu eo, a la a si ka a tsaloa.

²² ¶ Mi ka ba sa ya, Yesu a cula señkhue; mi ka a sina se tsegohatsa, a se roba, a sa ba naea, a re, Culañ, lo ye; se, ki mele oa me.

²³ Mi a cula senoelo, mi ka a sina itumelela, a se ba naea; mi ba noa botle ga shona.

²⁴ Mi a ba raea, Se, ki mari a me, ki mari a kholagano e nca a a cologetseñ bontsi.

²⁵ Amarure kia lo raea, ga ’nkitla ki tlola ki noa ga louñuo loa tlare sa movine go tsatsiñ ye, ki tla lo noañ lo losha mo bogosiñ yoa Morimo.

²⁶ ¶ Mi ka ba sina opela sehela, ba coela kua thabeñ ea Oleva.

²⁷ Mi Yesu a ba raea, Lo tla khocoa lotle ka ntla ea me sigoñ yonu, gone go kuariloe, Ki tla betsa Morisa, mi liñku li tla halarioa.

²⁸ Mi ki tlare ki sina coga, ki tla lo etelela pele kua Galilea.

²⁹ Eriha gona Petero o mo raeañ, Leha ba ko ba khocoa botle, ga ’nkitla ki khocoa.

³⁰ Mi Yesu a mo raea, Amarure kia gu raea, U tla ’ntatola ga teri, koku e tona e si e lele ga tu, sigoñ yo yoa gompienu.

³¹ Mi a hela a sa coelela go bua, a re, Leha ’nko ki shua nau, amarure ga ’nkitla ki gu latola ka gope. Mi botle ba bua yalo.

³² Mi ba tla mo heloñ go birioañ Getsemane; mi a raea barutoa ba gague, Lulañ ha, ki tle ki tsamae ki rapele.

³³ Mi a tsaea Petero, le Yakobo, le Yohane nae, mi a simolola go boiha segolu le go tlaleloa;

³⁴ Mi a ba raea, Moea oa me o hutsahetse segolu ka bohutsana yoa loshu; salañ ha, mi lo rise.

³⁵ Mi a coelela pele go nyenye, a oela ha hatse, mi a rapela, gore ha go le go kana yalo, oura o o mo hete.

³⁶ Mi a re, Aba, Rra, lilo cotle li ka rihala go uena; tlosa senoelo se ha go ’na; mi esiñ go rata ga me, a e ne thato ea gago.

³⁷ Mi a tla a ba hitlela ba robetse, mi a raea Petero, Simona, a u robetse? A ga u kake ua risa ka oura moñue hela?

³⁸ Risañ lo rapele, gore lo si tsene mo thaeloñ; amarure moea o bonako, mi nama e lapile.

³⁹ Mi a ba a ea a rapela, a bua mahuku auo ka aosi.

⁴⁰ Mi ka a boea a ba hitlela ba bile ba robetse, gone maitlo a bona a heñoa ki boroko; mi ba sa itse kaha ba tla mo arabañ ka gona.

⁴¹ Mi a tla ka loa bo‐teri, a ba raea, Robalañ yana, mi lo ikhutse; go lekanye, oura o tlile; bonañ, Moroa mothu o okecoe mo atleñ tsa baleohi.

⁴² Emañ, a re eeñ; bonañ, eo o ’nkokañ o atametse.

⁴³ ¶ Mi ka a sa bua, ga tla Yuda ka bonako, eo e le le moñue oa ba tuelev, mi a na le bontsi yo bogolu, bo na le licaka, le melamu, bo coa mo baperisetiñ ba bagolu, le bakuari, le bagolu.

⁴⁴ Mi yana, eo o mo okileñ a ba neile seshupo, a re, Eo ki tla mo atlañ, ki ena; mo cuareñ, le go mo isa ka tlomamo.

⁴⁵ Mi ka a sina tla, a ea ka bonako go ena, a re, Rabi, Rabi; mi a mo atla.

⁴⁶ ¶ Mi ba mo latsa atla tsa bona, mi ba mo cuara.

⁴⁷ Mi moñue oa ba ba emeñ gona, a shomola caka, mi a rema motlañka oa moperiseti eo mogolu, mi a mo khaola tsebe.

⁴⁸ Mi Yesu a araba, a ba raea, A lo rule ka licaka le melamu go ’ncuara yaka ki senokuane?

⁴⁹ Ki le ki na le lona mo tempeleñ, ki ruta, ka malatsi aotle, mi ga loa ka loa ’ncuara: mi likualo li cuanetse go rihala.

⁵⁰ Mi ba mo tlogela botle, mi ba tsaba.

⁵¹ Mi lekau leñue ya mo sala morago, le apere seaparo sa lene mo meleñ o o sa ikategañ, mi makau a le cuara.

⁵² Mi ya tlogela seaparo sa lene, ya ba tsaba le sa ikatega.

⁵³ ¶ Mi ba gogela Yesu kua moperisetiñ eo mogolu, kua baperiseti ba bagolu, le bagolu, le bakuari, ba phuthegetseñ gona.

⁵⁴ Mi Petero a mo latela a le khakala, go ea kua tluñ ea moperiseti eo mogolu, mi a lula gona le batlañka, a ikomosa ha moleloñ.

⁵⁵ Mi yana baperiseti ba bagolu, le botle ba khakololo ba batla cupo kaga Yesu, go molaea; mi ba si ka ba e bona.

⁵⁶ Gone bontsi bo le yoa shupa ka kako kaga gague, mi cupo tsa bona tsa bo li sa cuane.

⁵⁷ Mi bañue ba ema ba shupa ka kako kaga gague, ba re,

⁵⁸ Re mo utluile, a re, Ki tla rutla tempela e, e e rihiloeñ ka liatla, mi ki tla aga e ñue, esiñ ka liatla, ka malatsi a teri.

⁵⁹ Mi le tseuo cupo tsa bona tsa bo li sa cuane.

⁶⁰ Mi moperiseti eo mogolu a tloga a ema ha gare, mi a botsa Yesu, a re, A ga u arabe sepe? Eñ se ba se shupañ kaga gago?

⁶¹ Mi a ririmala, mi a si ka a araba sepe. Mi moperiseti eo mogolu a ba a motsa, mi a mo raea, A ki uena Keresete Moroa Motsegoharioi?

⁶² Yesu a araba, Ki ’na; mi lo tla bona Moroa mothu a rutse ha atleñ se se siameñ sa Mothatietle, a tla ka maru a legorimo.

⁶³ Eriha gona moperiseti eo mogolu o gagolañ liaparo tsa gague, a re, Re sa rihañ bashupi?

⁶⁴ Lo utluile khalo e: lo gopolañ? Mi botle ba mo sekisetsa molatuñ oa loshu.

⁶⁵ Mi bañue ba simolola go mo khuela mathe, le go bipa hatlogo sa gague, le go mo tlanya ka macuele, le go mo raea, Shoaba shoaba e mañ. Mi batlañka ba mo haphola.

⁶⁶ Mi ka Petero a le mo loapeñ lo lo kua tlatse, ga tla moñue oa bahula ba moperiseti eo mogolu;

⁶⁷ Mi ka a bona Petero a ikomosa, a mo leba, mi a re, Le uena u lu u na le Yesu Monasarini.

⁶⁸ Mi a latola, a re, Ga ki itse, le gona ga ki tlaloganye se u se buañ. Mi a coela kua khoroñ, mi koku e tona ea lela.

⁶⁹ Mi mohula ka a ba a mona a simolola go raea ba ba emeñ gona, Eo ki moñue oa bona.

⁷⁰ Mi a ba a latola. Mi khantele, ba ba emeñ gona ba ba ba raea Petero, Amarure u moñue oa bona, gone le uena u Mogalilea, gone puo ea gago entse yalo.

⁷¹ Mi a simolola go roga le go ikana, a re, Ga ki itse monona eo lo buañ ga gague.

⁷² Mi koku e tona ea lela loa bo‐tu; mi Petero a gakologeloa lehuku ye Yesu o la a le mo reile, U tla ’ntatola ga teri koku e tona e si e lele ga tu. Mi ka a gakologeloa mouo, a lela.