Mareko 13 - Bibela ea Boitsépho 1890 (Sechuana Tlhaping - Moffatt Bible)

KHAOLO 13.

¹ MI ka a coa mo tempeleñ, moñue oa barutoa ba gague a mo raea, Rabi, bona maye a magolu yañ, le rikago tse ri kholu yañ!

² Mi Yesu a araba a mo raea, a ua bona kago tse ri kholu tse? Ga go kitla go tlogeloa leincue lepe le tlatlaganye le ye leñue, ye le si kitlañ li rigoa.

³ Mi ka a rutse mo thabeñ ea Oleva, go lebagana le tempela, Petero le Yakobo le Yohane, le Anderea, ba motsa ka ba le bosi,

⁴ Re bulelele lilo tse li tla na leñ, mi cupo e tla na ehe, mogañ lilo tse cotle li tla rihalañ?

⁵ Mi Yesu ka a ba araba, a simolola go re, Lo itise, gore lo si tsierioe ki ope;

⁶ Gone bontsi bo tla tla mo ineñ ya me, bo re, Ki ’na Keresete; mi bo tla tsietsa bontsi.

⁷ Mi lo tlare lo utlua ga litlabano, le tumo ea litlabano, lo si boihe; gone tse li cuanetse go rihala; mi e be e si e ne bokhutlo.

⁸ Gone morahe o tla cogela morahe, le bogosi bo tla cogela bogosi, mi go tla na lithoromo tsa lehatse mo maheloñ mañue; mi go tla na loshekeri le liphuruego: lilo tse e le litsimologo tsa litlalelo.

⁹ Mi lo itise; gone ba tla lo nela likhakaloloñ, le mo masenagogeñ; lo tla berioa, mi lo tla emisioa ha pele ga balaori le likhosi ka ntla ea me, go na cupo go bona.

¹⁰ Mi evangelio e tla reroa pele mo meraheñ eotle.

¹¹ Mi ere ha ba lo goga go lo nela, lo si gakologeloe pele kaha lo tla buañ ka gona, mi lo si akanye; mi se lo tla se neoañ mo oureñ ouo, lo se bue, gone e si lona ba lo buañ, e le Moea oa Boitsepho.

¹² Mi mokauleñue o tla nela mokauleñue loshuñ, le rra ñuana; mi bana ba tla cogela bagolu ba bona, mi ba tla ba bolaea.

¹³ Mi lo tla iloa ki botle ka ntla ea leina ya me; mi eo o icokelañ bokhutloñ, eo, o tla bulukoa.

¹⁴ ¶ Etlare lo bona bomashue yo bogolu yoa tsenyo, yo bo builoeñ ki Daniela moperofeti, bo eme kua bo sa go chuanelañ, (eo o buisañ a a tsetsia;) eriha gona ba ba mo Yudeñ, a ba tsabele kua lithabeñ;

¹⁵ Mi eo o mo tlomeshoñ, a a si hologele mo tluñ, leha e le go tsena go eona, go tsaea señue sa ntlu ea gague.

¹⁶ Mi eo o mo tsimoñ, a a si boee go tsaea aparo sa gague.

¹⁷ Mi go latlega ba ba ithueleñ, le ba ba amusañ mo metleñ euo!

¹⁸ Mi lo rapele gore tsabo ea lona e si ne ka mariga.

¹⁹ Gone go tla na lipogisho mo metleñ euo, yaka go e si go ne mo tsimologoñ ea popo e Morimo o e bopileñ, le mo nakoñ enu, mi ga e kitla e ba e na.

²⁰ Mi ha Morena a ko a sa khutsahatse metla euo, go kabo go sa bulukoe nama epe; mi o e khutsaharitse ka ntla ea baitsenkeroi ba o ba itseñketseñ.

²¹ Mi ki gona etlareñ ha moñue a lo raea, Bonañ, Keresete ki eo; khotsa Bonañ, o hale; lo si rumele:

²² Gone go tla coga bokeresete ba tsieco le baperofeti ba tsieco, mi ba tla riha licupo, le rikhakamaco go timetsa le bona baitseñkeroi, ha go le go ka na yalo.

²³ Mi lona lo itise; bonañ, ki lo buleletse pele cotle.

²⁴ ¶ Mi letsatsi le tla hihiharioa, le khueri ga e kitla e naea seri ya eona, mo metleñ euo, morago ga pogisho e.

²⁵ Mi naleri tsa legorimo li tla oa go yeona, mi thata tse ri mo magorimoñ li tla urubarioa.

²⁶ Mi eriha gona ba tla bonañ Moroa mothu, a tla ka maru, le ka thata e kholu le khalalelo.

²⁷ Mi eriha gona, o tla romañ baengele ba gague, mi ba tla phutha baitseñkeroi ba gague mo liphehoñ li for, le kua khutloñ ea lehatse, le kua khutloñ ea legorimo.

²⁸ Mi yana ithuteñ secuanco se, ka setlare sa mofeige: eare ha kala ea shona e nana, e tloga makakaba, loa itse ha selemo se atametse.

²⁹ Mi le lona, etlare lo bona lilo tseuo li rihala, lo itse ha a atametse ha meyakoñ.

³⁰ Amarure kia lo raea, Losika lo, ga lo kitla lo heta go tlo go tsamae cotle tse li rihale pele.

³¹ Legorimo le lehatse le tla heta, mi huku ya me ga le kitla le heta.

³² ¶ Mi ga motla ouo le oura ouo, ga go itse ope, le esiñ baengele ba ba mo legorimoñ, le esiñ Moroa, ha e si Rra.

³³ Lo itise, tloahalañ, mi lo rapele; gone ga lo itse mogañ motla o o tla tlañ.

³⁴ Yaka mothu eo o etelañ kua hatsiñ le sele, a tlogela ntlu ea gague, a laorisa batlañka ba gague, mi moñue le moñue tiho ea gague, mi a laolela morisa oa khoro go risa.

³⁵ Ki gona, risañ; gone ga lo itse motla o muñ oa ntlu o tla tlañ ka ona, ka mabanyane, khotsa gare ga bosigo, khotsa ha koku e tona e lela, khotsa mo moshoñ.

³⁶ Gore e si re khotsa a tla ka bonako, a lo hitlela lo robetse.

³⁷ Mi se ki se lo raeañ, kia se raea botle, Risañ.