Mareko 12 - Bibela ea Boitsépho 1890 (Sechuana Tlhaping - Moffatt Bible)

KHAOLO 12.

¹ MI a simolola go bua le bona ka licuanco. Monona o la a tloma tsimo ea movine mi a e likanyeletsa ka logora, mi a epa khatisho ea boyaloa, mi a aga turio, mi a e laleletsa barihi‐tsimo, mi a ea kua hatsiñ le sele.

² Mi ka motla o sina go tla, a roma motlañka go barihi‐tsimo gore a bone louñuo loa tsimo ea movine mo barihiñ‐tsimo.

³ Mi ba mo cuara, ba metsa, mi ba mosa a sina sepe.

⁴ Mi a ba a roma motlañka eo moñue go bona, mi ka ba mo khobotletsa, ba mo kuenisa mo tlogoñ, mi ba mosa ka botlabisa‐litloñ.

⁵ Mi a ba a roma eo moñue, mi eo, ba molaea, le bontsi yo boñue; mi bañue ba ba betsa, mi ba bañue ba ba bolaea.

⁶ Mi eare ka a sa na le moroaue moñue, eo o mo ratañ, mi le eo, a mo romela go bona oa bohelo, a re, Ba tla ipobola moroake.

⁷ Mi barihi‐tsimo ba, ba rana, Eo, ki ena oa boshua; tlañ, a re molaeeñ, mi boshua bo tla na yoa rona.

⁸ Mi ba mo cuara, ba molaea, mi ba mo khoromeletsa ntle ga tsimo ea movine.

⁹ Mi yalo morena oa tsimo ea movine o tla rihañ? O tla tla, a senya barihi‐tsimo ba; mi o tla nela tsimo ea movine ba sele.

¹⁰ A ga loa ka lo buisa lokualo lo: Leincue ye le latliloeñ ki baagi, ye, le rihegile motheo oa khokhoco;

¹¹ Se, se rihiloe ki Yehova, mi sea gakhamatsa mo maitloñ a rona.

¹² Mi ba batla go mo cuara, mi ba boiha bontsi, gone ba lemoga ha a bua secuanco se kaga bona. Mi ba mo tlogela, ba ea.

¹³ ¶ Mi ba romela bañue ba Bafarisai le Baherodi go ena, gore ba mo cuare mo mahukuñ a gague.

¹⁴ Mi ba, ka ba tla, ba mo raea, Rabi, rea itse u amarure, mi ga u re ope sepe, mi ga u re licuano tsa bathu sepe, mi ua ruta mokhua oa Morimo ka amarure; a ki taolo go naea Kaisare lekhetho, khotsa nya?

¹⁵ A re tla le naea, khotsa, re si le nee? Mi ka a itse boitimokanyo yoa bona, a ba raea, Lo ’nthaelelañ? ’nteretsañ denari, gore ki e bone.

¹⁶ Mi ba e lere. Mi a ba raea, Secuanco se, le sekualo se, ki sa ga mañ? Mi ba mo raea, Sa ga Kaisare.

¹⁷ Mi Yesu a araba, a ba raea, Naeañ Kaisare lilo tse e leñ tsa ga Kaisare, mi lo nele Morimo tse e leñ tsa Morimo. Mi ba gakhamarioa ki ena.

¹⁸ ¶ Mi Basadukai ba tla go ena, ba ba reñ, ga gona cogo mo loshuñ; mi ba motsa, ba re,

¹⁹ Rabi, Moshe o re kualetse, a re, Ha monona mogoluue a shua, mi a tlogela mogatse, mi a sa tlogele bana bape, monnaue o tla moeantlu mosari oa gague, go cosetsa mogoluue losika.

²⁰ Mi gabo gole bakauleñue ba seven, mi oa ntla a nyala mosari, mi a shua a sa tlogele losika lope.

²¹ Mi oa bo‐tu, le ena a moeantlu, a shua; mi eo, le ena a sa tlogele losika lope; mi oa bo teri le ena ga na yalo.

²² Mi a nyaloa ki ba seven, mi ba sa tlogele losika lope. Mi le ena mosari, a shua bohelo yoa bona botle.

²³ Ki gona, mo cogoñ, e ba tla e cogañ, o tla na mosari oa ga mañ mo go bona, gone ba seven ba le ba mo nyetse botle?

²⁴ Mi Yesu a araba, a ba raea, A ga loa timela, ka lo sa itse likualo, le thata ea Morimo?

²⁵ Gone etlare ba sina coga mo loshuñ, ba sa nyale, mi ba sa neoe nyaloñ, mi ba cuana le baengele ba ba mo magorimoñ.

²⁶ Mi ga bashui, le cogo e ba tla e cogañ, a ga loa ka loa buisa mo bukeñ ea ga Moshe, kaha Morimo o loa bua le ena mo setlareñ ka gona, oa re, Ki na Morimo oa ga Aberahame, le Morimo oa ga Yitsake, le Morimo oa ga Yakobe?

²⁷ Morimo, ga si Morimo oa bashui, me e le oa batseri. Ki gona loa timela segolu.

²⁸ ¶ Mi moñue oa bakuari ka a utlua ka ba botsanye, a lemoga a ba arabile seiñtle, a tla go ena, a motsa, a re, Molao oa ntla oa eotle, ki ohe?

²⁹ Mi Yesu a mo araba, Molao o ntla mo go eotle, e le, Yeserela, utlua; Yehova, Morimo oa rona, e le Yehova eo moñue hela:

³⁰ Mi u tla rata Yehova Morimo oa gago ka pelu ea gago eotle, le ka moea oa gago otle, le ka tlaloganyo ea gago eotle, le ka thata ea gago eotle. O, ko ona molao oa ntla.

³¹ Mi oa bo‐tu o cuana le ona, eboñ o, U tla rata moñ ka uena yaka u ithata. Ga go molao ope o sele o mogolu mo go e.

³² Mi mokuari a mo raea, Rabi, u buile boamarure, gone gole Morimo o moñue hela, mi ga go na ope ha e si ona;

³³ Mi go o rata ka pelu eotle, le ka tlaloganyo eotle, le ka moea otle, le ka thata eotle; le go rata moñ ka ena yaka a ithata, go sita licupelo tsa pisho, le cupelo tsa tlabo.

³⁴ Mi ka Yesu a bona a arabile ka tlaloganyo, a mo raea, Ga u khakala le bogosi yoa Morimo. Mi go si ka ga tlola go le ope eo o ka motsañ señue.

³⁵ ¶ Mi ka Yesu a ruta mo tempeleñ, a araba, a re, Bakuari ba reelañ Keresete ki moroa Davide.

³⁶ Gone Davide ka esi o la a bua ka Moea oa Boitsepho, Yehova o la a raea Morena oa me, Lula ha atleñ sa me se se siameñ, ki tle ki tsamae ki rihe baba ba gago serulo sa nao tsa gago.

³⁷ Ki gona ha Davide ka esi a mitsa Morena, mi o ka na moroaue yañ? Mi boñtsi yo bogolu yoa mo utlua ka boitumelo.

³⁸ ¶ Mi a ba raea mo thutoñ ea gague: Lo itise mo bakuariñ, ba ba ratañ go tsamaea mo liaparoñ tse ri telele, le go rumerisioa mo mebileñ ea thekelo,

³⁹ Le lirulo tsa ntla mo masenagogeñ, le mahelo a a kua pele mo merihoñ:

⁴⁰ Ba ba metsañ matlu a batlolagari, le go riha merapelo e melele, go na seipato; bauo ba tla bona tsekisho e kholu bogolu.

⁴¹ ¶ Mi ka Yesu a lula go lebagana le letlule ya lohumo, a bona kaha bontsi bo tsenyañ lireko mo lohumoñ. Mi bontsi yoa ba ba humileñ yoa tsenya segolu.

⁴² Mi ga tla motlolagari oa sehumanegi, a tsenya lirekoana li tu, tse e leñ kuaderane.

⁴³ Mi ka a biletsa barutoa ba gague go ena, a ba raea, Amarure kia lo raea, Motlolagari eo, oa sehumanegi, o tsentse bogolu mo go botle ba ba tsentseñ mo tluleñ ya lohumo:

⁴⁴ Gona botle ba tsentse ga bogolu yoa bona, mi eo, o tsentse bobotlana yotle yo o nañ nayo, yo o tselañ ka yona.