Mareko 1 - Bibela ea Boitsépho 1890 (Sechuana Tlhaping - Moffatt Bible)

KHAOLO 1.

¹ TSIMOLOGO ea evañgelio ea ga Yesu Keresete, Moroa Morimo.

² Yaka go kuariloe mo baperofetiñ, Bonañ, kia roma moroñoi oa me ha pele ga sehatlogo sa gago, eo o tla gu bakanyetsañ tsela ea gago ha pele ga gago.

³ Koru ea moñue eo o bitsañ kua gareganaga, Bakanyañ tsela ea ga Yehova; siamisañ tselana tsa gague.

⁴ Yohane o la a bapetisa kua gareganaga, mi a rera papetisho ea tlabologo ea go icuarela libe.

⁵ Mi hatse yeotle ya Yuda, ya coela go ena, le ba Yerusalema botle, mi ba bapetisioa ki ena mo nokeñ ea Yoridane, ba ipobola libe tsa bona.

⁶ Mi yana Yohane a apere mauri a kamela, le ka moitlamo oa letlalo mo thekeñ loa gague, mi a ya tsie, le linotse tsa naga.

⁷ Mi a rera, a re, Go tla morago ga me eo o thata bogolu go ’na, eo khole ea litlaku tsa gague ki sa cuanelañ go ikoba, go e hunulola.

⁸ Rure ki lo bapetisitse ka metse, mi ena o tla lo bapetisa ka Moea oa boitsepho.

⁹ Mi ga rihahala mo metleñ eouo, ka Yesu a coa mo Nasareteñ oa Galilea, mi a bapetisioa ki Yohane mo Yoridaneñ,

¹⁰ Mi ka a sa tlatloga mo metseñ, a bona magorimo a bulega, le Moea o hologela go ena, yaka lephui.

¹¹ Mi ga coa koru mo magorimoñ, ea re, U moroake eo o rategañ, eo ki gu itumelelañ.

¹² Mi Moea oa mo isa ka bonako kua gareganaga.

¹³ Mi o la a le kua gareganaga, mi a raeloa ki Satane ka malatsi a forte, mi a na le lipholoholo, mi baengele ba mo rihela.

¹⁴ Mi Yohane ka a sina neloa mo kholegoñ, ga tla Yesu mo Galilea, a rera evangelio ea pusho ea Morimo,

¹⁵ Mi a re, Motla o rihahetse; mi pusho ea Morimo e atametse; tlabologañ, mi lo rumele evañgelio.

¹⁶ Mi ka a tsamaea ha leoatleñ ya Galilea, a bona Simone le Anderea monnaue; ba rigela lotloa mo leoatleñ, gone e le le bacuari ba litlapi.

¹⁷ Mi Yesu a ba raea, ’ntsalañ morago, mi ki tla lo riha bacuari ba bathu.

¹⁸ Mi ba akoha ba tlogela litloa tsa bona, mi ba mo sala morago.

¹⁹ Mi ka a simane a coa gona, a bona Yakobo moroa Sebedaio, le Yohane monnaue, le bona ba mo shepeñ, ba tlamaganya litloa tsa bona:

²⁰ Mi a akoha a ba bitsa, mi ba tlogela rabo Sebedaio mo shepeñ, le batlañka ba ba lalericoeñ, mi ba mo sala morago.

²¹ Mi ba ea kua Kaperenama; mi a ea ka bonako ma senagogeñ ka Sabata, mi a ruta.

²² Mi ba gakhamarioa ki thuto ea gague; gone a ba ruta yaka a na le thata, esiñ yaka bakuari.

²³ Mi gabo gole mothu mo senagogeñ sa bona, eo o nañ le moea o o mashue, mi a bitsa,

²⁴ A re, Au! u re rihañ Yesu Monasarini? A u tletse go re senya? Kia gu itse, u Moitsephi oa Morimo.

²⁵ Mi Yesu a o buela, a re, Ririmala, mi u coe go ena.

²⁶ Mi ka moea o mashue o sina mo gagola, oa bitsa ka koru e kholu, mi oa coa go ena.

²⁷ Mi ba gakhamala botle, ga tsamaea ba botsanya ba re, Ana se eñ? Thuto e nca e, ki ehe? gone oa laola le eona meoea e mashue ka thata, mi ea mo utlua.

²⁸ Mi tumo ea gague ea halalela ka bonako mo lithokoñ cotle tsa Galilea.

²⁹ Mi ka ba coa mo senagogeñ, ba akoha ba tsena le Yakobo, le Yohane mo tluñ ea ga Simone le Anderea.

³⁰ Mi ’ma mosari oa ga Simone a laricoe ki pobolo ea khotelo, mi ba akoha ba mo mulelela;

³¹ Mi a ea go ena, a mo cuara ka seatla, a mo emisa; mi pobolo ea mogote e akoha ea mo tlogela; mi a ba rihela.

³² Mi erile ka lotlatlana, letsatsi le sina phirima, ba lere go ena babobori botle, le ba ba cueroeñ ki bademona.

³³ Mi motse otle oa phuthegela ha moyakoñ.

³⁴ Mi a horisa bontsi yo bo bobolañ ka lipobolo li sele, mi a khoromeletsa ntle bontsi yoa bademona, mi a si ka a leseletsa bademona gore ba re, Rea gu itse.

³⁵ Mi ka mosho, o e si o phepahale, e sa le bosigo, a coga, a coela kua gareganaga, mi a rapela gona.

³⁶ Mi Simone le bona ba ba nañ nae ba ea go matla.

³⁷ Mi ba rile ba mona, ba mo raea, Botle ba gu batla.

³⁸ Mi a ba raea, A re eeñ kua metsaneñ mo lithokoñ, gore le gona ki rere gona; gone ki coetse mouo.

³⁹ Mi a rera mo masenagogeñ a bona, mo Galilea yeotle, mi a khoromeletsa ntle bademona.

⁴⁰ Mi ga tla moleperoi go ena, a mo rapela a mo khubamela; mi a mo raea, Ha u rata u ka ’nntlahatsa.

⁴¹ Mi Yesu a mo tlomogela pelu, a ntsa atla sa gague, a mo ama, a mo raea, Kia rata, ntlahala.

⁴² Mi ka a sina bua, lepero ya akoha ya mo tlogela, mi a ntlahala.

⁴³ Mi ka a sina mo laolela thata, a akoha a mo roma,

⁴⁴ Mi a mo raea, U itise, u si bulelele ope sepe; mi ea, u icupetse moperiseti, mi u shupele bointlahaco yoa gago, lilo tse ri laocoeñ ki Moshe; go na cupo go bona.

⁴⁵ Mi ka a sina coa a simolola go utlatsa bogolu, le go halatsa pulelo e, ga tsamaea a reteleloa ki go tla mo motseñ ka ponatsego; mi o la a le kua ntle kua maheloñ a gareganaga; mi ba ea go ena, ba coa mo ntleñ cotle.