Lipesalema 91 - Bibela ea Boitsépho 1890 (Sechuana Tlhaping - Moffatt Bible)

PESALEM 91.

¹ EO o agileñ mo boicubeloñ yoa Mogorimo oa bogorimo bogolu, o tla sala mo murutiñ oa Mothatietle.

² Ki tla raea Yehova, Ki uena botsabelo yoa me, le lorako loa me; Morimo oa me o ki o ikanyañ.

³ Amarure o tla gu golola mo seruñ sa mocuari‐nunyane, le mo pesetelenseñ e e senyañ.

⁴ O tla gu bipa ka liphaha tsa ona, mi u tla ikanya ha tlatse ga liphuka tsa ona; boamarure yoa ona ki thebe le theyana ea gago.

⁵ Ga u kitla u boiha therahaco mo bosigoñ, mocui o o hohañ mo tsatsiñ;

⁶ Le pesetelense e e tsamaeañ mo hihiñ, le tsenyo e e nyeletsañ ka motsegare;

⁷ Go tla oa bathousanda ha tlakoreñ loa gago, le batenthousanda ha atleñ se se siameñ sa gago, mi uena ga e kitla e gu atamela.

⁸ U tla bona hela ka maitlo a gago; mi u tla bona tuelo ea baikepi.

⁹ Gone, Yehova, u botsabelo yoa me; u rihile Mogorimo oa bogorimo bogolu bohemelo yoa gago.

¹⁰ Ga go boshula bope yo bo tla gu hitlelañ; mi ga go peco epe e e tla atamelañ tenta ea gago.

¹¹ Gone o tla laolela baengele ba gague kaga gago, gore ba gu buluke mo tseleñ cotle tsa gago.

¹² Ba tla gu belega ka atla tsa bona, gore u si khutle nao loa gago mo incueñ lepe.

¹³ U tla gataka tau le noga; mi tauana le derako u tla li katakela tlatse ga nao tsa gago.

¹⁴ Gone ka a ’nthata bogolu, ki gona ki tla mo gololañ; ki tla maea ha gorimo, gone a itse leina ya me.

¹⁵ O tla ’mpitsa, mi ki tla mo araba; ki tla na nae mo tlaleloñ; ki tla mo shuabola, ki mo tlotla.

¹⁶ Ki tla mo khorisa ka bolele yoa malatsi; mi ki tla montsa puluko ea me.