Lipesalema 9 - Bibela ea Boitsépho 1890 (Sechuana Tlhaping - Moffatt Bible)

PESALEM 9.

¶ Pesalem ea ga Davide go Mooperi eo mogolu, mo Mute‐Laben.

¹ KI tla baka Yehova ka pelu ea me eotle, ki tla bulela likhakhamaco tsa gago cotle.

² Ki tla itumela, mi ki tla itumela segolu mo go uena; mi ki tla opelela leina ya gago pako, Mogorimo oa bogorimo bogolu.

³ Gone baba ba me ba thibecoe morago, ba ole, ba nyeletse, ka sehatlogo sa gago.

⁴ Gone u rihile tsekisho ea me, le se se sekoañ sa me, u lua lula mo seruloñ sa bogosi, u @sekisa ka tsiamo.

⁵ U omantse Baeteni, u sentse baikepi, u khumotse leina ya bona ka bosina bokhutlo yotle.

⁶ Uena maba, litsenyego li khutlile ka bosina bokhutlo; u sentse metse; khopolo kaga bona e nyeletse le bona.

⁷ Mi Yehova o tla na ka bosina bokhutlo, o bakanyeritse tsekisho serulo sa bogosi sa gague.

⁸ Mi ena ka esi o tla sekisa lehatsi ka tsiamo, mi o tla sekisa bathu ka tekanyo ea tsiamo.

⁹ Yehova o tla na botsabelo yoa ba ba gatisicoeñ, botsabelo mo metleñ ea tlalelo.

¹⁰ Mi ba ba itseñ leina ya gago ba tla ikanya go uena; gone Yehova u sa tlogele ba ba gu batlañ.

¹¹ Opelelañ Yehova lipako, eo o agileñ mo Tsiona; itsiseñ tiho tsa gague mo bathuñ.

¹² Gone o batla kaga culolo ea mari, o gopola ga aona; ga a lebale pico ea ba ba bogisioañ.

¹³ Yehova, u ne boicuarelo go ’na, leba bohutsana yo ki bo bogañ go bona ba ba ’nkilañ, uena eo o ’nculetsañ mo likhoroñ tsa loshu:

¹⁴ Gore ki bonatse pako eotle ea gago mo likhoroñ tsa moroaria Tsiona; gore ki itumele mo pulukoñ ea gago.

¹⁵ Baeteni ba noetse mo lemeneñ ye ba le rihileñ; nao tsa bona li khuesericoe mo lotloeñ lo ba lo shubileñ.

¹⁶ Yehova o itsiloe ka eintla ea tsekisho e o e rihañ; moikepi o khuesericoe mo tihoñ ea atla tsa gague. Higaion. Sela.

¹⁷ Baikepi ba tla boserioa mo bobipoñ, le baeteni botle ba ba lebalañ Morimo.

¹⁸ Gone motloki ga a kitla a lebaloa ka gale; le tebelelo ea mohumanegi ga e kitla e nyelela ka bosina bokhutlo.

¹⁹ Tloga u eme, Yehova, a bathu ba si henye, a baeteni ba sekiserioe ha pele ga sehatlogo sa gago.

²⁰ Yehova, u ba boitse, a baeteni ba ikitse ha e le bathu. Sela.