Lipesalema 89 - Bibela ea Boitsépho 1890 (Sechuana Tlhaping - Moffatt Bible)

PESALEM 89.

¶ Masikile, oa ga Etame, Moesara.

¹ KI tla opela maicuarelo a ga Yehova ka bosina bokhutlo; ki tla itsise boikanyo yoa gago ka molomo oa me mo tsikatsikeñ.

² Gone ki rile, Boicuarelo yoa gago bo tla ageleloa ka bosina bokhutlo; bokanyo yoa gago u tla bo tlomamisa le mo magorimoñ.

³ Ki rihile kholagano le moitseñkeroi oa me; ki ikanetse go Davide, motlañka oa me;

⁴ Ki tla tlomamisa losika loa gago ka bosina bokhutlo; le go agelela serulo sa bogosi sa gago mo tsikatsikeñ. Sela.

⁵ Magorimo a tla baka likhakhamaco tsa gago, Yehova; le boikanyo yoa gago bo bakoa mo phuthegoñ ea baitsephi.

⁶ Gone mañ eo o mo legorimoñ eo o ka cuantsioañ le Yehova? mañ eo o cuanañ le Yehova mo bomoroeñ ba bathati?

⁷ Morimo o cuanecoe ki go boihoa segolu mo phuthegoñ ea baitsephi; le go ipoboloa ki botle ba ba mo eintleñ cotle tsa ona.

⁸ Yehova, Morimo oa lintua, mañ eo thata bogolu, yaka uena, Yehova? boikanyo yoa gago bo mo eintleñ cotle tsa gago.

⁹ U busa khuasho ea leoatle; eare lintelo tsa yeona li iculetsa, u li ririmatse.

¹⁰ U phatlakantse Rahaba, yaka moñue eo o bolailoeñ; u gasantse baba ba gago ka cogo ya thata ea gago.

¹¹ Magorimo ki a gago; lehatsi le yeona ki ya gago; u tlomamisitse lehatsi le botlalo yoa yeona.

¹² U bopile Noretha le Southa; Tabora le Heremona li itumela mo ineñ ya gago.

¹³ U na le cogo ya bonatla; seatla sa gago se thata; atla sa gago se se siameñ se gorisicoe.

¹⁴ Tsiamisho le tsekisho ki tlomamo ea serulo sa bogosi sa gago; boicuarelo le boamarure bo coelela pele ga sehatlogo sa gago.

¹⁵ Go tsegaharicoe bathu ba ba itseñ tumo ea terompeta; ba tla tsamaea mo seriñ ya hatlogo sa gago, Yehova.

¹⁶ Ba tla itumela mo ineñ ya gago ka tsatsi yeotle; mi ba gorisioa ki tsiamo ea gago.

¹⁷ Gone u khalalelo ea thata ea bona; mi lonaka loa rona lo tla gorisioa mo tsegahacoñ ea gago.

¹⁸ Gone Yehova ki thebe ea rona; mi Moitsephi oa Yeserela ki khosi ea rona.

¹⁹ Hoñ u lua bua ka sebonoa kaga moitsephi oa gago; ua re, Ki beile thusho mo mononeñ oa bonatla; ki gorisitse monona eo o itseñkecoeñ mo bathuñ.

²⁰ Ki bonye Davide motlañka oa me; ki mo tloritse ka loukuane loa me loa boitsepho;

²¹ Eo ki tla mo tlomamisañ ka atla sa me, mi cogo ya me le yeona le tla mo thatahatsa.

²² Maba ga a kitla a mo khola; mi moroa tsiamololo le ena ga a kitla a mogisa.

²³ Ki tla lotla baganetsi ba gague ha pele ga sehatlogo sa gague; mi ki tla tlukuhatsa ba ba mo ilañ.

²⁴ Mi boikanyo yoa me, le boicuarelo yoa me bo tla na nae; mi lonaka loa gague lo tla gorisioa ki leina ya me.

²⁵ Atla sa gague ki tla se baea mo nokeñ; le atla sa gague se se siameñ mo melapoñ.

²⁶ O tla ’mpitsa, U Rre, Morimo oa me, le lehika ya puluko ea me.

²⁷ Le gona ki tla mo riha oa burure oa me, eo o gorimo bogolu go khosiñ tsa lehatsi.

²⁸ Ki tla mulukela boicuarelo yoa me ka bosina bokhutlo; mi khola gano ea me e tla na tlomamo nae.

²⁹ Ki tla tlomamisa losika loa gague ka bosina bokhutlo; le serulo sa bogosi sa gague yaka malatsi a legorimo.

³⁰ Ha bana ba gague ba tlogela molao oa me, le esiñ go tsamaea mo litsiamishoñ tsa me;

³¹ Ha ba itsepholola titaeo tsa me, le esiñ go buluka litaolo tsa me;

³² Ki tla lekola litlolo tsa bona ka tsamma, le tsiamololo ea bona ka lipeco;

³³ Leha gontse yalo ga ’nkitla ki tlosa tsalano ea me ea lorato mo go ena; le esiñ go lesa boikanyo yoa me go nyelela.

³⁴ Ga ’nkitla ki itsepholola kholagano ea me; le esiñ go hetola se se ruleñ mo lipounameñ tsa me.

³⁵ Ki ikanne ka boitsepho yoa me gañue hela, ha ka si kitla ki aketsa Davide.

³⁶ Losika loa gague lo tla na ka bosina bokhutlo; serulo sa bogosi sa gague, se tla na ha pele ga me yaka letsatsi.

³⁷ O tla tlomamisioa ka bosina bokhutlo yaka khueri; le cupo ea boamarure mo legorimoñ. Sela.

³⁸ Mi u khoromeritse, u latlile motlorioi oa gago; u bogale bogolu le ena.

³⁹ U boholotse kholagano ea motlanka oa gago; u itsepholotse seroalo sa bogosi sa gague ka go se latlela ha hatsi.

⁴⁰ U rutlile lithako tsa gague cotle; u rigile likago tse ri thata tsa gague.

⁴¹ Botle ba ba hetañ ka tsela, ba mo thopa; o se se khobioañ go bañ ka ena.

⁴² U gorisitse atla se se siameñ sa baganetsi ba gague; u itumerisitse baba ba gague botle.

⁴³ Le gona u retolotse bogale yoa caka ea gague; mi ga ua ka ua mo emisa mo tlabanoñ.

⁴⁴ U nyeleritse boiñtle yoa gague; mi u rigetse serulo sa bogosi sa gague ha hatsi.

⁴⁵ U khutsaharitse malatsi a bokau yoa gague; u mo khurumeritse ka litloñ. Sela.

⁴⁶ Go lele go le kai, Yehova? a u tla icuba ka bosina bokhutlo? a bogale yoa gago bo tla hisa yaka mulelo?

⁴⁷ Gopola motla oa me kaha o mokhutsane ka gona; ana u lu u bopelañ bathu botle lehela?

⁴⁸ Monona ohe eo o tselañ eo o si kitlañ a bona loshu? eo o tla gololañ moea oa gague mo atleñ sa bobipo? Sela.

⁴⁹ Yehova, litsalano tsa lorato tsa gago tsa eintla, li ha kae? tse u li ikanetseñ Davide ka boikanyo yoa gago?

⁵⁰ Yehova, gopola khobo ea batlañka ba gago, e ki e belegeñ mo hubeñ sa me, ea bathu ba ba leñ bantsi;

⁵¹ E baba ba gago ba gu khobañ ka eona, Yehova; e ba khobañ likhato tsa motlorioi oa gago ka eona.

⁵² Yehova o bakoe ka bosina bokhutlo. Amena, le Amena.