Lipesalema 86 - Bibela ea Boitsépho 1890 (Sechuana Tlhaping - Moffatt Bible)

PESALEM 86.

¶ Morapelo oa ga Davide.

¹ YEHOVA, sekegela tsebe ea gago, u ’nkarabe; gone ki humanegile le botloko.

² Buluka moea oa me, gone ki moaberoi oa boicuarelo yoa gago; Morimo oa me, buluka motlañka oa gago eo o gu ikantseñ.

³ Yehova, u ne boicuarelo go ’na; gone ki biletsa go uena ka tsatsi yeotle.

⁴ Itumerisa moea oa motlañka oa gago; gone ki culeletsa moea oa me go uena, Yehova.

⁵ Gone, Yehova, u molemo, mi u rata go icuarela; mi u mogolu mo boicuareloñ, mo go bona botle ba ba gu bitsañ.

⁶ Yehova, sekegela tsebe go morapelo oa me; mi elatloko koru ea merapelo e e thata ea me.

⁷ Kia biletsa go uena mo tsatsiñ ya tlalelo ea me; gone u tla ’nkaraba.

⁸ Yehova, ga go ope eo o cuanañ nau mo merimoñ; mi ga go na litiho lipe tse ri cuanañ le tsa gago.

⁹ Yehova, baeteni botle ba u ba rihileñ ba tla tla; ba tla ikobela ha pele ga gago, mi ba galaletsa leina ya gago.

¹⁰ Gone u mogolu, mi u riha tiho tse ri gakhamatsañ; u Morimo uesi.

¹¹ Yehova, ’nthuta tsela ea gago, gore ki tsamaee mo boamarureñ yoa gago; kopanya pelu ea me le poiho ea leina ya gago.

¹² Morena, Morimo oa me, ki tla gu baka ka pelu ea me eotle, mi ki tla galaletsa leina ya gago ka bosina bokhutlo;

¹³ Gone boicuarelo yoa gago bo bogolu kaga me; u shuabotse moea oa me mo mateñeñ a bobipo.

¹⁴ Morimo, ba bopeluumpe ba ’ncogela; liphuthego tsa ba ba boitsegañ ba batla botselo yoa me; mi ga ba gu emise ha pele ga bona.

¹⁵ Mi, Morena, u Morimo, u tletse boutluelo botluku, le pelunomi, le pelutelele, le bogolu mo boicuareloñ le mo boamarureñ.

¹⁶ U boele go ’na, mi u ne pelunomi go ’na; naea motlañka oa gago thata ea gago; buluka moroa mohula oa gago.

¹⁷ ’Ntihela cupo ea molemo oa gago, gore ba ba ’nkilañ ba e bone, ba tlayoe ki litloñ; gone Yehova, u mothusi oa me, le mogomotsi oa me.