Lipesalema 85 - Bibela ea Boitsépho 1890 (Sechuana Tlhaping - Moffatt Bible)

PESALEM 85.

¶ Pesalem go bomoroa Korahe, go Mooperi eo mogolu.

¹ YEHOVA, u tsegaharitse lehatsi ya gago; u bile u lerile kholego ea Yakoba.

² U icuaretse tsiamololo ea bathu ba gago; u bipile libe tsa bona cotle. Sela.

³ U tlositse bogale yo bogolu yotle yoa gago; u ipositse mo bogaleñ yoa gago yo bo gotetseñ.

⁴ Ba u re bose, Morimo oa puluko ea rona; mi u khutlise bogale yoa gago go rona.

⁵ A u tla galeha le rona ka bosina bokhutlo? a u tla leletsa bogale yoa gago mo tsikatsikeñ?

⁶ A ga u kitla u ba u re rurisa, gore bathu ba gago ba itumele mo go uena?

⁷ Yehova, re shupetse boicuarelo yoa gago; mi u re nee puluko ea gago.

⁸ Ki tla retsa se Morimo Yehova, o tla se buañ; gone o tla bua ka kagisho le bathu ba gague, le go baitsephi ba gague; mi a ba si be ba boele bosiloñ.

⁹ Amarure puluko ea gague e gauhe nabo ba ba moihañ; gore khalalelo e ne mo hatsiñ ya rona.

¹⁰ Boicuarelo le boamarure bo khatlanye; tsiamo le kagisho li atla-nye.

¹¹ Boamarure bo tla tloga mo ombuñ; mi tsiamo e tla lebela tlatse e le mo legorimoñ.

¹² E, Yehova o tla naea molemo; mi hatsi ya rona le tla uñua louñuo loa yeona.

¹³ Tsiamo o tla coela pele ga sehatlogo sa gague; mi e tla re isa mo tseleñ ea likhato tsa gague.