Lipesalema 84 - Bibela ea Boitsépho 1890 (Sechuana Tlhaping - Moffatt Bible)

PESALEM 84.

¶ Pesalem go bomoroa Korahe, go Mooperi eo mogolu mo Gitita.

¹ LITABERENAKELA tsa gago li ratega yañ, Yehova oa lintua.

² Moea oa me o tlologelecoe, o nyelericoe, ki go eletsa maloapa a ga Yehova; pelu ea me le nama ea me ea biletsa go Morimoñ o o tserileñ.

³ Yaka thaga e bona eintlu, le peuluane setlaga sa eona ha e ka baeañ mamphoroana a eona gona, le ’na ki batla yalo aletara tsa gago, Yehova oa lintua, Khosi ea me, le Morimo oa me.

⁴ Go tsegaharicoe ba ba agileñ mo tluñ ea gago; bantse ba gu baka ka gale. Sela.

⁵ Go tsegaharicoe mothu eo thata ea gague e leñ mo go uena; eo tsela tse ri bonalañ li mo peluñ ea gague.

⁶ Eare ha ba khabaganya mogorogoro oa Baka, ba o riha mocoeri; E, pula e tla ba khurumetsa ka matsego.

⁷ Ba ea thateñ go thateñ; mi moñue le moñue o tla bonala ha pele ga Morimo mo Tsiona.

⁸ Yehova, Morimo oa lintua, utlua morapelo oa me; Morimo oa Yakoba, u o retse ka tsebe. Sela.

⁹ Morimo, thebe ea rona, bona, mi u lebe sehatlogo sa motlorioi oa gago;

¹⁰ Gone tsatsi le leñue hela mo maloapeñ a gago, le molemo bogolu go malatsi a thousanda a sele. ’Nkabo ki itseñkela go na mo seripuriñ sa moyako oa eintlu ea Morimo oa me, bogolu mo go go aga mo tenteñ tsa boikepo.

¹¹ Gone Yehova Morimo, ki letsatsi le thebe; Yehova o naea tsegahaco le tlotlo; mi ga a gane ka molemo ope go bona ba ba tsamaeañ ka tsiamo.

¹² Yehova oa lintua, go tsegaharicoe mothu eo o gu ikantseñ.