Lipesalema 77 - Bibela ea Boitsépho 1890 (Sechuana Tlhaping - Moffatt Bible)

PESALEM 77.

¶ Pesalem ea ga Asefe, go Mooperi eo megolu, kaga Yedutune.

¹ KIA biletsa go Morimo ka koru ea me, go Morimo ka koru ea me, gore o ’nthetse.

² Ki batla Morena mo tsatsiñ ya tlalelo ea me; atla sa me se otlologile mo bosigoñ, mi ga se khutlele; moea ea me oa gana go gomorioa.

³ Ki gopola Morimo, mi ki hutsahetse; kia itoka, mi moea oa me o hihihetse. Sela.

⁴ U tlosa thobalo mo maitloñ a me; ki silohetse ga tsamaea ka reteleloa ki go bua.

⁵ Ki gakologeloa metla ea bogolugolu, linyaga tsa metla ea tlolego.

⁶ Ki gakologeloa sehela sa me mo bosigoñ; ki abalana le pelu ea me; mi moea oa me oa botsisa.

⁷ A Morena o tla khorometsa ka bosina bokhutlo? mi a ga a kitla a tlola a utluela botluku?

⁸ A boicuarelo yoa gague bo nyeletse ka bosina bokhutlo? a pulelelopele ea gague e khutlile mo tsikatsikeñ?

⁹ A Morimo o lebetse go utluela botluku? a o cualetse maicuarelo a magolu a ona ka bogale? Sela.

¹⁰ Eriha gona ki reñ, Pobolo ea me ki e, phetogo ea atla se se siameñ sa Mogorimo oa bogorimo bogolu.

¹¹ Ki tla gopola litiho tsa ga Yehova; E, ki tla gopola likhakhamaco tsa gago tsa bogolugolu.

¹² Tiho ea gago eotle le eona ki tla e gakologeloa, le go bua ga tse u li rihañ.

¹³ Morimo, tsela ea gago e boitsepho; mañ eo e leñ Morimo o mogolu, yaka Morimo?

¹⁴ U Morimo o o rihañ likhakhamaco; ua itsise thata ea gago mo bathuñ.

¹⁵ U rekolotse bathu ba gago ka cogo ya gago; bomoroa Yakoba le Yosefa. Sela.

¹⁶ Metse a linoka a la a gu bona, Morimo, metse a la a gu bona; a la a boiha; mateñ le aona a khoberega.

¹⁷ Maru a gorometsa metse, mi magorimo a entsa tumo; mecui ea gago le eona ea coa ea ea.

¹⁸ Koru ea tumo ea maru ea gago e le le mo secuacueñ; likharima tsa bonesa lehatsi; lehatsi ya roroma ya urubatsega.

¹⁹ Tsela ea gago e mo leoatleñ, mi tselana tsa gago li mo metseñ a magolu; likhato tsa gago ga li itsioe.

²⁰ U lua goga bathu ba gago yaka lecomane, ka seatla sa ga Moshe le sa ga Arone.