Lipesalema 69 - Bibela ea Boitsépho 1890 (Sechuana Tlhaping - Moffatt Bible)

PESALEM 69.

¶ Pesalem ea ga Davide go Mooperi eo mogolu mo Shoshanim.

¹ MORIMO, ’mpuluka, gone metse a hitlile mo moeeñ oa me.

² Ki noetse mo morageñ o o boteñ, ha boemo bo sieoñ gona; ki hitlile mo mateñeñ a metse, mi meroalela ea metse ea ’nkhurumetsa.

³ Ki lapisicoe ki pico ea me; momeco oa me o omeletse; maitlo a me a nyelerioa ki ga lebelela Morimo oa me.

⁴ Ba ba ’nkilañ ki sina molatu, ba bantsi bogolu go meriri ea tlogo ea me; ba ba batlañ go ’ntsenya, ba ba leñ baba ba me ecoa ki sina molatu, ba thata bogolu; ga tsamaea ka leha se ki sa se tlakolañ.

⁵ Morimo, ua itse bosilo yoa me; mi melatu ea me ga ua e shubeloa.

⁶ A ba si tlayoe ki litloñ ka eintla ea me, ba ba gu lebelelañ, Morena, Yehova oa lintua; a ba ba gu batlañ ba si siloharioe ka eintla ea me, Morimo oa Yeserela.

⁷ Gone ki bogile khobo ka eintla ea gago; litloñ li khurumeritse sehatlogo sa me.

⁸ Ki rihegile moeñ mo go bana ba ga rre, mi ga ki itsioe mo baneñ ba ga mme.

⁹ Gone tloahalo ea eintlu ea gago e ’mmeritse; mi likhobo tsa ba ba gu khobañ li oetse mo go ’na.

¹⁰ Erile ki lela ka go bisa go ya ga moea oa me: e rihiloe khobo ea me.

¹¹ Mi ka riha matsela a khetse seaparo sa me, mi ka rihega se se shotloañ mo go bona.

¹² Ba ba rutseñ mo likhoroñ ba ’ntseba; mi ka na sehela sa batagoi.

¹³ Ka ga me, morapelo oa me o go uena, Yehova, mo motleñ oa natehelo; Morimo, ka eintla ea bogolu yoa boicuarelo yoa gago, ’nkutlua mo boamarureñ yoa puluko ea gago.

¹⁴ ’Ncuatola mo morageñ, mi u si ’ntese ka noela; a ki gololoe mo go bona ba ba ’nkilañ, le mo mateñeñ a metse.

¹⁵ A moroalela oa metse o si ’nkhurumetse; mi a boteñ bo si ’mmetse; mi a molete o si ’ncualelele molomo oa ona.

¹⁶ Yehova, ’nkaraba, gone boicuarelo yoa gago bo molemo; ’nteba kaha bogoluñ yoa boicuarelo yoa gago.

¹⁷ U si shubele motlañka oa gago sehatlogo sa gago, gone ki mo poihoñ. Akoha, u ’nkarabe.

¹⁸ Atamela moea oa me, mi u o golole; ’nkholola ka eintla ea baba ba me.

¹⁹ Ua itse khobo ea me, le litloñ tsa me, le tlotlologo ea me; baganetsi ba me ba ha pele ga gago botle.

²⁰ Khobo e thubile pelu ea me, mi ki koaharicoe bogolu; ki lebeletse eo o utluelañ botluku, mi ga gona ope; le bagomotsi, mi ga kia ka ka ba bona.

²¹ E, ba ’nneile santlukue go na seyo sa me; mi ba ’nneile go noa boyaloa yo bo berileñ mo nyoroñ ea me.

²² Lomati loa boyelo loa bona a lo ne serai go bona, mi a lo ne seru go na tuelo go bona e e tletseñ.

²³ A maitlo a bona a hihihale, gore ba si bone; mi roromisa mañkopa a bona ka gale.

²⁴ Gorometsa bogale yo bogolu yoa gago go bona; mi a bogale yoa gago yo bo tukañ bo ba tlamparele.

²⁵ A boago yoa bona bo ropeharioe; a go si ne ope eo o agañ mo litenteñ tsa bona.

²⁶ Gone ba bogisa eo u meritseñ; mi ba itumela mo bohutsaneñ yoa eo u mo kueneseritseñ.

²⁷ Oketsa tsiamololo ea bona ka tsiamololo; mi a ba si hitle go tsiamoñ ea gago.

²⁸ A ba tlosioe mo bukeñ ea botselo; mi a ba si kualeloe le basiami.

²⁹ Mi ’na, ki humanegile le mo bohutsaneñ; Morimo, a puluko ea gago e ’nkhorise.

³⁰ Ki tla baka leina ya Morimo ka sehela; ki o riha mogolu ka boitumelelo.

³¹ Mi bo tla natehela Yehova bogolu go pholuana, e e nañ linaka le litlaku.

³² Bapelunomi ba tla bona, mi ba tla itumela; mi lona ba lo batlañ Morimo, pelu tsa lona li tla tsela.

³³ Gone Yehova o utlua bahumanegi; mi ga a nyatse bagolegoi ba gague.

³⁴ A magorimo le lehatsi le mmake; le linoka, le cotle tse ri rokhonyegañ mo go cona.

³⁵ Gone Morimo o tla golola Tsiona, mi o tla aga metse ea Yuda; mi bathu ba tla aga gona, mi ba na naeo go na boshua yoa bona.

³⁶ Mi losika loa batlañka ba ona lo tla e rua; mi ba ba ratañ leina ya ona ba tla aga gona.