Lipesalema 45 - Bibela ea Boitsépho 1890 (Sechuana Tlhaping - Moffatt Bible)

PESALEM 45.

¶ Go Mooperi eo mogolu mo Shoshanim, go bana ba ga Korahe, Masikile, sehela sa marato.

¹ PELU ea me e hohoma lehuku ye le natehelañ; ki bua lilo tse ki li rihileñ kaga khosi; loleme loa me lo cuana le lohaha loa mokuari eo botlale.

² U moiñtleiñtle bogolu go bana ba bathu; tsegahaco e tsecoe mo lipounameñ tsa gago; gone Morimo o gu tsegaharitse ka bosina bokhutlo.

³ Cuala caka ea gago mo seropeñ sa gago, uena monatli! khalalelo ea gago, le bonatla yo boiñtle yoa gago.

⁴ Mi palama ka bocoelelo pele mo bonatleñ yo boiñtle yoa gago; ka eintla ea lehuku ya boamarure, le bopelunomi, le tsiamo; mi atla sa gago se se siameñ se tla gu ruta lilo tse ri boitsegañ.

⁵ Mecui ea gago e bogale; merahe e tla oela ha tlatse ga gago; e tlaba mo peluñ tsa baba ba khosi.

⁶ Serulo sa bogosi sa gago, Morimo, se ka bosina bokhutlo yotle; tsama ea bogosi yoa gago ki tsama ea tsiamo.

⁷ U rata tsiamo, mi u ila boikepo; ki gona Morimo, Morimo oa gago, o gu tloritseñ ka loukuane loa boitumelo, bogolu go lilekane tsa gago.

⁸ Liaparo tsa gago cotle, li mera, le aloe, le kasia, mo matluñ a khosi a naka tsa litlou, kua ba gu itumerisañ gona.

⁹ Bomoroaria likhosi ba mo basariñ ba tlotlego ba gago; khosi ea sesari e eme ha atleñ sa gago se se siameñ, mo goudeñ oa Ofira.

¹⁰ Utlua, uena moroari, mi gopola, mi sekega tsebe ea gago, mi lebala bathu ba gago, le eintlu ea ga rago.

¹¹ Eriha gona khosi e tla nateheloañ ki boiñtle yoa gago, gone eona ki Morena oa gago, ki gona mo obamele.

¹² Moroaria Turo o tla tla ka neo; mi bahumi ba bathu ba tla rapela sehatlogo sa gago.

¹³ Moroaria khosi, o galalela gotle, mo teñ ga eintlu; liaparo tsa gague li logiloe ka gouda.

¹⁴ O tla isioa ha pele ga khosi mo liaparoñ tsa tiho ea lomao; makharebe, lilekane tsa gague, tse ri mo salañ morago, a tla leroe go uena.

¹⁵ A tla leroe ka boitumelo; ba tla tsena mo tluñ ea khosi ka turueco.

¹⁶ Mo boemoñ yoa bo‐rra go tla na bomoroa, ba u tla ba laorisañ go na likhosana mo hatsiñ yeotle.

¹⁷ Ki tla goporisa leina ya gago mo tsikatsikeñ cotle; ki gona merahe e tla gu bakañ ka bosina bokhutlo yotle.