Lipesalema 44 - Bibela ea Boitsépho 1890 (Sechuana Tlhaping - Moffatt Bible)

PESALEM 44.

¶ Go Mooperi eo mogolu, go bana ba ga Korahe, Masikile.

¹ MORIMO, re utluile ka tsebe tsa rona, re bulelecoe ki bo‐rra ecu, tiho e u lua e riha mo metleñ ea bona, mo metleñ ea bogolugolu.

² U lua khoromeletsa eintle baeteni ka atla sa gago, mi bona ua ba tloma; u lua cuenya merahe, mi ua e khoromeletsa kua eintle.

³ Gone ba si ka ba rua lehatsi ka caka ea bona; mi le gona cogo ya bona ga lea ka ya ba buluka; mi ki seatla sa gago se se siameñ, le lecogo ya gago, le leseri ya hatlogo sa gago; gone u lua nateheloa ki bona.

⁴ E sa le uena, khosi ea me; Morimo, laolela Yakoba likhololo.

⁵ Re tla khorometsa baba ba rona ka eintla ea thusho ea gago; mi re tla gataka ba ba re cogelañ ka leina ya gago.

⁶ Gone ga ki ikanye bora yoa me; mi caka ea me ga e kitla e ’nkholola.

⁷ Mi uena u re golola mo babeñ ba rona; mi u tlabisa litloñ ba ba re ilañ.

⁸ Re belahala mo Morimoñ ka tsatsi yeotle; mi leina ya gago, re tla le baka ka bosina bokhutlo. Sela.

⁹ Mi yana u re khoromeritse, ua re tlabisa litloñ; mi ga u bolole le lintua tsa rona.

¹⁰ U re bosetsa morago go coa mo mabeñ; mi ba ba re ilañ ba ithopela tsa rona.

¹¹ U re nelela yaka liñku go na liyo; mi u re gasantse mo baeteniñ.

¹² U bapatsa bathu ba gago ka go sina sereko; mi ga u humisioe ki se se ba rekileñ.

¹³ U re riha se se khobioañ mo go bañ ka rona; le cotlo le ñoñolo mo go bona ba ba agileñ eintleñ cotle tsa rona.

¹⁴ U re riha seane mo baeteniñ; le thukhutho tlogo mo meraheñ.

¹⁵ Tsilohalo ea me e ha pele ga me ka gale; mi litloñ tsa sehatlogo sa me li ’nkhurumeritse;

¹⁶ Ka eintla ea koru ea bakhobi, le bakhari; ka eintla ea maba, le mosholosi.

¹⁷ Cotle tse, li tlile go rona, leha gontse yalo ga rea ka ra gu lebala; le esiñ go riha tsieco ka kholagano ea gago.

¹⁸ Lipelu tsa rona ga lia ka tsa boela kua morago, mi likhato tsa rona ga lia ka tsa hapoga tsela ea gago;

¹⁹ Leha gontse yalo u re thubagantse mo heloñ ga liderako; mi u re khurumeritse ka muruti oa loshu.

²⁰ Ha re ko re le ra lebala leina ya Morimo oa rona, mi ra otlololela atla tsa rona Morimoñ o sele,

²¹ A Morimo o ko o sa ka oa tlotlomisa se sentseñ yalo? Gone o itse masaitsioeñ a pelu.

²² Leha gontse yalo, re bolaoa ka tsatsi yeotle ka eintla ea gago; re kaeioa yaka liñku tse ri tlayoañ.

²³ Yehova, coga; u robaletseñ? Coga, si re khorometse ka bosina bokhutlo.

²⁴ U shubelañ sehatlogo sa gago, go lebala khumanego ea rona, le patiko ea rona?

²⁵ Gone meoea ea rona e obegetse mo loroleñ; mi mebele ea rona e ñaparetse lehatsi.

²⁶ Tloga, u emele thusho ea rona, mi u re rekolole ka eintla ea boicuarelo yoa gago.